Ord. de

a faire aucuns inventoire des biens desdicts trespasses qui seront en leurs justices, sinon es cas dessusdicts : assavoir quant lesdictz héritiers seroient pupilles et moindre deage, ou quils seroient ebetes de leurs sens, ou absens du pais et des lieux et merches ou lesdicts biens seroient assiç ; ou quil ne apperoit daucun héritier qui deust succéder audict trespasse ; ou sil aparissoit per les testamehs des trespasses quil y-eust cause de substitucion telle que, pour la conservacion du droit des substitues, ledict inventoire y feust nécessaire : esquelx cas Ion pourra faire ledict inventoire, presens et apelles ceulx qui seront a appeller. Et volons et ordonons que lesdicts inventoires se facent a moings de frais que faire ce pourra, et que le conmis qui le fera ne puisse lever, pour iour entier per son salaire, que dix sols tournois. Et se les biens estoient sy grans que il y convint avoir aucujis conmissaires de plus grant autorite, leursdicts salaires leurs seront tauxes selon la qualité de leurs persones et la valeur des biens, et selon le tenps quilz-y-auront vacque. Ausquel inventoires et perfeccions diceulx, Ion pourra procéder en la manière que dict est, non-obstans toutes opposicions ou appellacions, et sens preiudice dicelles K

Des deposts qui se feront en iugement,

§ 114. — Pour-ce quil advient aucune fois que quant Ion faictaucuns depost en jugement les juges qui les retiennent devers eulx sont bien contens de les longuement garder pour eulx en aider, et a ceste occasion retardent lexpedicion des causes pour lesquelles sont faicts lesdicts deposts, au grant preiudice des parties ; aiRn de pourveoir ad ce avons ordone et ordonons que dores-en-avant lesdicts deposts ne seront point mis es mains des iuges ne de leurs dicts lieutenens; mais seront mises es mains