XXVI. III. — 15 Ce vers a une syllabe de ircp

TEXTES

par ma ribaudie ; or ai perdut tous mes drais for ke ma chemixe.

Ma chemixe voirement,

s’i ait povre garnement, s’or vaxist ne tant ne cant, a geu l’euxe mize, s’alaixe legierement [enjcontre la bixe.

La bixe et li autre vans m’i guerroie moût sovent ;

par darrier et par devant me peirt la chair nue ;

or m’i soit Deus en aidant, ma joie ai perdue.

Ma joie et tous mes amins

ai je perdut, las, chaitis !

Or n’iroie an mon païs, por perdre la vie, tant con je serai soupris de la ribaudie.

Ribaudie m’ait costeit et geteit de mon osteil, les femes m’ont asoteit

ou je me fioie ; cent livres m’ont bien costeit de bone monoie.

Chascun jour me covanroit plain un sestier de deniers ;