LE BRACELET

STANCES

Amour en soit beny, le sujet de mes vœux.

Cette ieune Beauté qui captiue mon Ame De cent chaines de flame,

4 La veut lier encore auecque ses cheueux.

Cette chere faueur que ie n’osois prétendre. Rendra de mon destin les Dieux mesmes ialoux ; Voyans qu’vn feu si doux

8 Se trouue accompagné d’vne si belle cendre.

Agréables chaînons, beau fil d’Ambre flottant. Vous ne faisiez qu’errer autour de son visage ; Estiez vous si volage

12 Pour venir auiourd’huy me rendre si constant ?

O Cieux ! ma seruitude est tellement plaisante. Que comparant les fers où ie suis arresté A quelque Royauté,

i6 l’estime vne Couronne importune & pesante.