plantez confusément

PLAINTES d’aCANTE

Aux niches de rocher qui sont aux enuirons On void tousiours mouuoir de petits personnages ; Icy des charpentiers, et là des forgerons,

Qui trauaillent à leurs ouurages.

Et force moulinets, faicts à diuers vsages.

Qui tournent bien diligemment i68 A la faueur de Teau qui coule incessamment.

Vne table de marbre où ie vais me mirer Alors que ie n’ay pas le visage si blesme,

Pourroit bien de beau linge & de fleurs se parer Quand la chaleur seroit extresme.

Si vous vouliez venir y manger de la cresme Et des fraises, que chèrement 175 le ne fais conseruer que pour vous seulement.

Vous n’y trouueriez pas de superbes aprets Comme ceux que mérité vne Beauté diuine :

Mais vous pourriez à Tombre au moins, y boire frais En des vazes de Cornaline ;

Et vos yeux, en vint plats de Pourcelaine fine, Pourroient confronter à souhait 182 La blancheur de vos mains auec celle du lait.

Cette colation ne se passeroit pas

Sans qu’on vous fit oüir quelque douce harmonie :

Philomele sans doute ayant veu vos apas,

Voudroit flaterleur tirannie :

Et mettroit en oubly la brutale manie Qui causa ses afflictions,

189 Pour dire vn air nouueau sur vos perfections.