BALLADE VI

N'a pas long temps qu'alay parler A mon cueur, tout secrètement, Et luy conseillay de s'oster Hors de l'amoureux pensement; Mais me dist, bien tellement :

« Ne m'en parles plus, je vous prie, J'aymeray tous jours, se maist dieux î Car j'ay la plus belle choisie :

Ainsi m'ont raporté mes yeulx. »

Lors dis : « Veuilliez me pardonner, Car je vous jure mon serment Que conseil vous cuide donner, À mon povoir, très loyaument :

Voulez-vous sans alégement En doleur nner vostre vie ? »

— « Nennil dyaî dist-il, j'auray mieulv ; Madame m'a fait cliière lye,

Ainsi m'ont raporté mes yeulx. »

« Cuidez-vous savoir, sans doubler, Par ung regart tant seulement, Se dis-je, du tout son penser, Ou par ung doulx accointement ? »

— « Taisiez-vous, dist-il, \ raiement

Je ne croiray chose qu'on die, Mais la serviray en tous lieux , Car de tous biens est enrichie :

Ainsi m'ont raporté mes yeulx.