BALLADE VIL

De jamais n'a mer par amours J'ay aucune fois le vouloir, Pour les ennuieuses doulours Qu'il me fault souvent recevoir :

Mais en la fin, pour dire voir, Quelque mal que doye porter, Je vous asseure, par ma foy , Que je n'en saurcye garder Mon cueur, qui est maistre de moy.

Combyen qu'ay eu d'estranges tours,

Mais j'ay tout mis en nonchaloir,

Pensant de recouvrer secours

De Confort ou d'un doulx Espoir :

Helas! se j'eusse le povoir

D'aucunement hors m'en bouter,

Par le serment qu'à Amours doy,

Jamais n'i lairoy rentrer

Mon cueur, qui est maistre de moy.

Car je sçay byen que, par doulcours.

Amour le scet si bien avoir, Qu'il vouldroit ainsi tous les jours Demourer, sans ja s'en mouvoir.

Nil ne veult oir, ne savoir, Le mal qu'il me fait endurer ; Plaisance l'a mis en ce ploy :

Elle fait mal de le m'oster

31on cueur, qui est maistre de moy.

Il me desplaist d'en tant parler ; Mais, par le dieu en qui je eroy, Ce fait, désir de recouver Mon cueur, qui est maistre de moy.

BALLADE YI1L

Quant je suy couchié en mon lit, Je ne puis en pais reposer :

Car, toute la nuit mon cueur lit Ou Tournant de Plaisant-penser Et me prie de l'escouter.

Si ne l'ose désobéir, Pour double de le courroucer :

Ainsi je laisse le dormir.

Ce livre-cy est tout escript Des fais de ma dame sans per :

Souvent mon cueur de joye rit, Quant je les lit, ou oyt compter :

Car, certes, tant sont à louer Qu'il y prent souverain plaisir; Moy-mesmes ne m'en puis lasser.

Ainsi je laisse le dormir.

Se mes yeulx demandent respit

Par Sommeil, qui les vient grever.

Je les tense, par gxant despit;

Et si ne les peut surmonter,

Il ne cesse de souspirer

A par soy. J'ay lors, sans mentir,

Grant paine de le rapaiser :

Ainsi je laisse le dormir.

Amour, je ne puis gouverner Mon cueur; car tant vous veul servir, Qu'il ne scet jour ne nuit cesser :

Ainsi je laisse le dormir.