BALLADE V

Espargniez vostre doulx attrait

Et vostre gracieux parler,

Car Dieu scet les maulx qu'ilz ont fait

A mon poure cueur endurer.

Puisque ne voulez m'accorder

Ce qui pourrait mes maulx guérir,

Laissiez moy passer ma meschance,

Sans plus me vouloir assaillir

Par vostre plaisant accointance.

Vers Amours faictes grant forfait, Je l'ose pour vray advoùer, Quant me ferez d'amoureux trait Et ne me voulez conforier :

Je croy que me voulez tuer.

Pleust a Dieu que peussiez sentir, Une fois, la dure grevance Que m'avez fait longtemps souffrir.

Par vostre plaisant accointance.

Helas! que vous ay-je mesfait, Par quoy me doyez tourmenter.'

Quant mon cueur d'amer se retrait, Tantost le venez rappeller.

Plaise-vous en pais le laissier Ou luy accordez son désir ; Honte vous est, non pas vaillance, D'un loyal cueur ainsi meurdrir, Par vostre plaisant accointance.