COPIE DE LA LETTRE DE RETENUE

Dieu Gupido et Vénus la déesse Ayans povoir sur mondaine Liesse, Salus de cueur par nostre grant humblesse A tous amans.

Savoir faisons que le duc d'Orléans Nommé Charles, à présent jeune d'ans, Nous retenons pour l'un de nos servans, Par ces présentes,

Et luy avons assigné sur noz rentes Sa pension en joyeuses attentes, Pour en joir par noz lettres-patentes Tant que vouldrons,

En espérant que nous le trouverons Loyal vers nous, ainsi que fait avons Ses devanciers, dont contens nous tenons Très grandement.

Pour ce, donnons estroit commandement Aux officiers de nostre parlement, Qu'ilz le traictent et aident doulcement En toute affaire,

A son besoing, sans venir au contraire, Si chier qu'ilz ont nous obéir et plaire, Et qu'ilz doubtent envers nous de forfairc En corps et biens

Le soustenant, sans y espargnier riens Contre Dangier avecques tous les siens, Malle-bouche plaine de l'aulx maintiens, Et Jalousie ;

Car chascun d'eulx de grever estudie Les vrais subgietz de nostre seigneurie, Dont il est l'un et sera à sa vie, Car son serment

De nous servir devant tous ligement Avons receu; et pour plus fermement Nous asseurer qu'il fera loyaument Entier devoir,

Avons voulu en gage recevoir Le cueur de luy, lequel de bon vouloir A tout soubzmis en noz mains et povoir ; Pourquoy tenus

Sommes à luy, par ce, de plus en plus.

Si, ne seront pas ses biensfais perdus, Ne ses travaulx pour néant despendus; Mais pour monstrer

A toutes gens bon exemple d'amer, Nous le voulons richement guerdonner Et de noz biens à largesse donner.

Tesmoing noz seaulx

Cy-ataehiez devant tous noz féauix Gens de conseil et serviteurs loyaulx, Venuz vers nous, par mandemens royaulx, Pour nous servir.

Donné le jour Saint- Yalentin, martir,

En la cité de Gracieux-désir,

Où avons t'ait nostre conseil tenir.

Par Gupido et Vénus souverains,

A ce presens plusieurs Plaisirs-mondains.