BALLADE I

Belle, bonne, non pareille, plaisant, Je vous suppli , vueillez me pardonner Se moy, qui sui vostre grâce attendant, Viens devers vous pour mon fait raconte i ; Plus longement je ne le puis celer, Qu'il ne faille que sachiez ma destresse, Gomme celle qui me peut conforter :

Car je vous tiens pour ma seule maistresse

Se, si à plain, vous vois mes maulx disant. Force d'amours me lait ainsi parler; Car je devins vostre loyal servant Le premier jour que je peuz regarder

La grant beauté que vous avez sans per, Qui me feroit avoir toute liesse, Se serviteur vous plaisoit me nommer :

Car je vous tiens pour ma seule maistresse.

Que me donnez en ottroy don si grant, Je ne l'ose dire ne demander; Mais s'il vous plaist que, de cy en avant, En vous servant puisse ma vie user, Je vous suppli que, sans me refuser, Yueilliez souffrir qu'y mette ma jeunesse ; Nul autre bien je ne vueil souhaidier : Car je vous tiens pour ma seule maistresse.