BALLADE IL

Vueilliez voz yeulx emprisonner , Et sur moy plus ne les giettez ; Car quant vous plaist me regarder, Par Dieu ! belle, vous me tuez, Et en tel point mon cueur mettez, Que je ne sçay que faire doye.

Je suis mort, se vous ne m'aidiez, Ma seule souveraine joye!

Je ne vous ose demander Que vostre cueur vous me donnez ; Mais se droit me voules garder Puisque le cueur de moy avez, Le vostre fault que me laissiez , Car sans cueur vivre ne pourroie :

Faittes-en comme vous vouldrez, Ma seule souveraine joye!

Trop hardy suy d'ainsi parler,

Mais pardonner le me devez, Et n'en devez autruy blasmer Que le gent corps que vous portez, Qui m'a mis, comme vous véez, Si fort en l'amoureuse voye, Qu'en vostre prison me tenez, lia seule souveraine joye !

Madame, plus que ne savez, Amours si très fort me guerroyé, Qu'à vous me rens : or me prenez Ma seule souveraine joye î