BALLADE III

C'est grant péril de regarder Chose dont peut venir la mort, Combien qu'on ne s'en seet garder Aucunes fois, soit droit ou tort; Quant Plaisance si est d'accort \vecques ung jeune désir, Nul ne pourroit son cueur tenir D'envoyer les yeulx en messaige.

On le voit souvent avenir Aussi bien au foui comme au saige.

Lesquelz yeulx viennent raporlcr Ung si très gracieux raport Au cueur, quant le veult escouter.

Que s'il a eu d'amer l'effort, Encores l'aura-il plus fort.

Et le font du tout retenir Ou service, sans despartir D'Amours, a son très grant doumaigc.

On le voit souvent avenir

Aussi bien au foui comme au saige.

Car mains maulx luy fault endurer

Et de Soussy passer le port,

Avant qu'il puisse recouvrer

L'accointance de Reconfort,

Qui plusieurs lois, au besoin g, dort

Quant on se veult de luy servir.

Et lofs il est plus que martir,

Car son mal vault trop pis que raige

On le voit souvent avenir

Aussi bien au foui comme au saige

Amour ne prenez desplaisir S'ay dit le mal que fault souffrir,, Demourant en vostre servaige ; On le voit souvent avenir Aussi bien au foui comme au saige.