BALLADE XL

A madame ! Je ne sçay que je die, Ne par quel bout je doye commencer, Pour vous mander la doloreuse vie Qu'Amour me fait chascun jour endurer.

Trop myeulx vaulsist me taire que parler; Car prouftter ne me pevent mes plains, Ne je ne puis guerison recouvrer, Puisqu'ainsi est de vous suis loingtains.

Quanque je voy me desplaist et ennuyé

Et n'en ose contenance monstrer;

Mais ma bouche fait semblant que je rie

(^uant maintefoiz je sens mon coeur plourer. Au fort, raartir on me devra nommer, Se dieu d'Amours fait nulz amoureux saints : Car j'ay des maulx plus que ne sçay compter, Puisqu'ainsi est que de vous suis loingtains.

Et non pourtant humblement vous mercye.

Car par escript vous a pieu me donner Urïg doulx confort, que j'ay à chière lie Receu de cueur et de joyeux penser, Vous suppliant que ne vueilliez chantier : Car en vous sont tous mes plaisirs mondains, Desquelz me fault apresent desporter, Puisqu'ainsi est que de vous suis loingtains.