BALLADE XII

Loingtain de vous, ma très belle maistresse, Fors que de cueur, que laissié je vous ay, Acompaignié de Dueil et de Tristesse Jusques a tant que reconfort aura y D'un doulx plaisir, quant revéoir pourray Yostre gente corps, plaisant et gracieux : Car lors lairay tous mes maulx ennuieux Et trouveray, ce m'a dit Espérance, Par le pourcbas du regard de mes yeulx, Autant de bien que j'ay de desplaisance.

Car s'oucques nul sceut que c'est de destresse,

Je pense bien que j'en ay (6) fait l'essay ;

Si très avant, et à telle largesse,

Qu'en dueil pareil nulluy de moy ne sçay ;

Mais ne m'en cbault : certes j'endureray

Au desplaisir des jaloux envieux,

Et me tendray, par semblance, joyeux :

Car quant je suy en greveuse penance

Hz reçoivent, que mal jour leur doint dieux!

Autant de bien que j'ay de desplaisance.

Tout prens en gré, jeune, gente princesse, Mais qu'en sachiez tant seulement le vray. En attendant le guerdon de lyesse, Qu'à mon povoir vers vous desserviray : Car le conseil de loyauté feray, Que garderay près de moy en tous lieux Vostre tousjours, soye jeunes ou vieulx, Priant à Dieu, ma seule desirance, Qu'il vous envoit, s'avoir ne povez mieulx, Autant de bien que j'ay de desplaisance.