BALLADE XIII

Puis qu'ainsi est que loingtain de vous suis, Ma maistresse, dont Dieu scet s'il m'annuic, Si chièrement vous requier que je puis Qu'il vous plaise de vostre courtoisie, Quand vous estes seule sans compagnie, Me souhaidier un baisier amoureux Venant du cueur et de pensée lye, Pour alégfer mes griefs maulx doloreux.

Quant en mon lit doy reposer de nuis, Penser m'assault et Désir me guerrie ; Et en pensant maintesfois m'est advis Que je vous tiens entre mes bras m'amye. Lors acolle mon oreillier et crye :

« Mercy, Amours, faicles-moy si eureuv Qu'avenir puis mon penser en ma vie, Pour alégier mes griefs maulx doloreux. >»

t>2 LES POÉSIES

Espoir m'a dit et par sa foy promis Qu'il m'aydera et que ne m'en soussie; Mais tant y met qu'un an me semble dis. Et non pourtant, soit ou sens ou folie, Je m'y attens, et en luy je m'afie Qu'il fera tant que Dangïer le crueux ]\'aura briefment plus sur sur moy seigneurie, Pour alégier mes griefs maulx doloreux.

A Loyauté de plus en plus m'alye, Et à Amours humblement je supplie Que de mon fait vueillent estre piteux, En me donnant (7) de mes vouloirs partie Pour alégier mes griefs maulx doloreux.