BALLADE XIV

Pourtant, se souvent ne vous voy, Pensez-vous plus que vostre soye ? Par le serement que je vous doy, Si suis autant que je souioye.

N'il n'est plaisance, ne joye, N'autre bien qu'on me peut donner, Je le vous prometz loyaument, Qui me puist ce vouloir oster v Fors que la mort tant seulement.

Vous savez que je vous feis foy, Pieça de tout ce que j'avoye; Et vous laissay, en lieu de moy, Le gage que plus chier j'amoye :

C'estoit mon cueur, que j'ordonnoye Pour avecques vous demourer, A qui je suis entièrement :

Nul ne m'en pourroit destourber Fors que la mort tant seulement.

Combien, certes, que je recoy Tel mal que, je le vous disoye, Vous auriez, comme je croy, Pitié du mal qui me guerroyé :

Car de tout dueil suis en la voye.

Vous le povez assez penser, Et ay esté si longuement, Que je ne (8) doy riens désirer Fors que la mort tant seulement.

Belle, que tant véoir vouldroye, Je prie à Dieu que briel' vous voye ; Ou s'il ne le veult accorder, Je lu y supply très humblement Que riens ne me vueille donner Fors que la mort tant seulement.