BALLADE XVI

Belle que je tiens pour amye Pensez, quelque part que je soie, Que jamais je ne vous oublie.

Et pour ce, prier vous vouldroye, Jusques à tant que vous revoye, Qu'il vous souviengne de celluy Qui a trouvé peu de mercy En vous, se dire je l'osoye.

Combien que je ne die mie Que n'aye receu bien et joye

DK CHARLES D'ORLEANS. 05

En votre doulce compagnie, Plus que desservir ne sçauroye :

Non pourtant, voulentiers j'auroye Le guerdon de loyal amy Qu'oncques ne trouvay jusqu'à cy En vous se dire je l'osoye.

Je vous ay longuement servie; Si m'est advis qu'avoir devroye Le don que de sa courtoisie Amour à ses servans envoyé :

Or, faictes qu'estre content doyc Et m'accordez ce que je dy :

Car trop avez refus nourry En vous, se dire je l'osoye.