BALLADE XVII

Madame vous povez scavoir Les biens qu'ay euz à vous servir; Car, par ma foy, pour dire voir, Oncques je n'y peuz acquérir Tant seulement un doulx plaisir, Que sitost que je le tenoye Dangier le me venoit tolir, Ce peu de plaisir que j'avoye.

Je n'en sçavoye nul avoir

Qui peust contenter mon désir,

Se non quant vous povoye veoir,

Ma joye, mon seul souvenir !

Or m'en a fait Dangier banir

Tant, qu'il fault que loing de vous soye;

Par quoy a fait de moy partir

Ce peu de plaisir que j'avoye.

?son pas peu, car de bon vouloir

Content m'en devoye tenir :

En espérant de recevoir

Un trop plus grant bien avenir.

Je n'y cuidoye point faillir

A la paine que g'y inettoye,

Cela me faisoit enrichir

Ce peu de plaisir que j'avoye.

Belle, je vous vueil requérir.

Pensez, quant serez de loisir,

Qu'en grant mal, qui trop me guerroyé.

Est tourné, sans vous en mentir.

Ce peu de plaisir que j'avoye.

BALLADE XVJIL

En ce joyeux temps de jourd'uy Que le mois de may se commence Et que l'en doit laissier ennuy .

Pour prandre Joyeuse-plaisance, Je me trouve sans recouvrance.

Loingtain de joye conquester, De Tristesse si bien rente, Que j'ay, je m'en puis bien vanter, Le rebours de ma voulenté.

Lasî Amours, je ne voy nulluy

Qui n'ait aucune suffisance,

Fors qui moy seul, qui sais celui y

Qui est le plus dolent de France.

J'ay failli à mon espérance :

Car quant à vous me voulz donner

Pour estre vostre serementé,

Jamays je ne cuidoye treuver Le rebours de ma voulenté

Au fort, puis qu'en ce point je suy, Je porteray ma grant penance Ayant vers loyauté reffuy, Où j'ay mis toute ma fiance :

Ne Dangier, qui ainsi m'avance, Quelque mal que doye porter, Combien que trop ma tourmenté, Ne pourra ja en moy bouter Le rebours de ma voulenté.

D'aucun réconfort accointer Plusieurs fois m'en suis démente ; Mais j'ay tousjours, au par aler, Le rebours de ma voulenté.