BALLADE XIX

Douleur, Courroux, Desplaisir et Tristesse, Quelque tourment que j'aye main et soir, Ne pour doubte de mourir de destresse, Ja ne sera en tout vostre povoir De me changier le très loyal vouloir Qu'ay eu tousjours de la belle servir, Par qui je puis et pense recevoir Le plus grant bien qui me puist avenir.

Quant j'ay par vous au cueur mal qui me blesse'

Je l'endure par le conseil d'Espoir,

Qui m'a promis qu'à ma seule maistresse

Lui fera brief mon angoisse sçavoir,

En luy mandant qu'en faisant mon devoir

J'ay tous les maulx que nul pourroit souffrir ;

<iS LES POÉSIES

Lors trouveray, je ne sçay s'il dit voir, Le plus grant bien qui me puist avenir.

Ne m'espargniez donc en rien de rudesse. Je vous feray bien brief appercevoir Qu'auray secours d'un confort de liesse, Longtemps ne puis en ce point remanoir ; Pour ce, je metz du tout à nonchaloir Les très grans maulx que me faictes sentir ; Bien aurez dueil, se me voiez avoir Le plus grant bien qui me puist avenir.

Je suis celluy au cueur vestu de noir Qui dy ainsi, qui que le vueille ouyr, J 'aura y briefment, Loyauté m'en fait hoir, Le plus grant bien qui me puist avenir.