BALLADE IV

Comment se peut ung poure cueur deffendre, Quant deuk beaulx yeuls le viennent assaillir: Le cueur est seul désarmé, nu et tendre, Et les yeulx sont bien armez de plaisir. Contre tous deux ne pouroit pie tenir ; Amour aussi est de leur aliance :

Nul ne tendroit contre telle puissance.

Il luy convient ou mourir ou se rendre,

Trop grant honte luy seroit de fuir,

Plus baudement les oseroit attendre,

S'il cust pavais (4), dont il se peust couvrir;

Mais point n'en a. Si luy vault mieulx souffrir

Et se mettre tout en leur gouvernance ; Nul ne tendrait contre telle puissance.

Qu'il soit ainsi, bien le me fist ap rendre Ma maistresse, mon souverain désir, Quant il luy pleut, ja pieça, entreprendre

De me vouloir de ses doulx yeulz ferir. Oncques puis mon cueur ne peust guérir, Car lors fust-il desconfit à oultrance:

Nul ne tendrait contre telle puissance,