BALLADE LUI

Me mocquez-vous, Joyeux-espoir?

Par parolles trop me menez.

Pensez-vous de me décevoir?

Chascun jour vous me promettez Que briefment véoir me ferez Madame, la gente princesse Qui a mon cueur entièrement.

Pour Dieu ! tenez vostre promesse :

Car trop ennuyé qui attent.

Il a longtemps, pour dire voir, Que tout mon estât congnoissez :

N'ay-je fait mon loyal devoir D'endurer comme bien sçavez ?

Ouil, ce croy-je, plus qu'assez Temps est que me donnez lyesse :

Desservy l'ay loyaument.

Pardonnez-moy se je vous presse :

Car trop ennuyé qui attent.

Ne me mettez à nonchaloir:

Honte sera se me f ailliez,

Veu que me ne main et soir,

En tout ce que faire vouldrez.

Se myeulx faire ne me povez,

Au moins monstrez-moy ma maistressc

Une fois, pour aucunement

DE CHARLES D'ORLÉANS. i<)7

Allegier le mal qui me blesse :

Car trop ennuyé qui attent.

Espoir, tousjours vous m'asseurez Que bien mon fait ordonnerez.

Bel me parlez, je le confesse ; Mais tant y mettez longuement Que je languis en grant destresse :

Car trop ennuyé qui attent.

BALLADE LIY.

Le premier jour du mois de may

S'acquitte vers moi grandement :

Car ainsi qu'à présent je n'ay

En mon cueur que dueil et tourment,

Il est aussy pareillement

Troublé, plain de vent et de pluie.

Estre souloit tout autrement

Où temps qu'ay congneu en ma vie.

Je croy qu'il se meit en essay

De m'acompaignier loyaument:

Content m'en tiens, pour dire vray,

Car mescbans en leur pensement

Recouvrent grant allégement

Quant en leurs maulx ont compaignie.

Essayé l'ay, certainement,

Où temps qu'ay congneu en ma vie.

Lasï j'ay veu may joyeux et gay, Et si plaisant à toute gent, Que raconter au long ne sçay Le plaisir et esbatement Qu'a voit en son commandement :

Car Amour, en son abbaye, Le tenoit chief de son couvent, Ou temps qu'ay congneu en ma vie.

Le temps va je ne seay comment ;

Dieu l'amende prouchainnemenl î

Car Plaisance est endormie,

Qui souloit vivre lyement,

Où temps qu'ay congneu en ma vie.