EPISTOLA

Discutimus, Pauline, jugum, quod certa fovebat

Temperies; levé quod positu, et tolerabile junctis.

Tractabat paribus concordia mitis habenis ;

Quod per tam longam seriem volventibus annis

Fabula non unquam, nunquam querimonia movit,

Nulla querela loco pepulit, non ira, nec error,

Nec quœ, compositis malesuada et credula causis,

Concinnat verisimiles suspicio culpas;

Tam placidum, tam mite jugum, quod utrique parentes

Ad senium nostri traxere ab origine vitae ;

Impositumque piis haeredibus, usque manere

Optarunt, dum longa dies dissolveret aevum

Et mansit, dum Iseta fides, nec cura laborat

Officii servare vices ; sed sponte feruntur

Incustoditum sibi continuantia cursum...

... Discutimus, Pauline, tamen : nec culpa duorum

Ista, sed unius tantum, tua ; namque ego semper

Contenta cervice feram. Gonsorte laborum

Destituor ; nec tam promptum gestata duobus

Unum, déficiente pari, perferre sodalem,

Non animus, viresque labant; sed iniqua ferendo

Conditio est oneri, quum munus utrumque relicto

Ingruit, acceduntque aliense pondéra librae...