Secouer

i. l'clil sac.

Bin au contrair' mi l'premier, j 't'aime. Grêl' souris, té m.'mets l'joie au cœur.

Du mineur t'es l'compagn' fidèle; Il a quer' vire t'fin musiau, Au fond de l'fosse, t'cri li rappelle El' jour et l'gazourmint d'I'osiau.

J'sais qn'timps in timps, petit' coquine, Té nous fais un peu marronner* In f'sant des tros dins not' tartine.

Bah! i t'faut bin aussi minger...

Hein! comm' té rong' là-d'dins, heureusse, Quand, par tierre, in obli' s'briquet.

Mais comme" té t'sauv' aussi, peureusse. Au moinder bruit que l'vint i fait !

Va, ch'n'est rien d'cha. Pu qu't'es du monne, I faut l'norrir... Pis, t'raing' si peu Que té n'fais point d'tort à personne, Souvint même in n'y vot qu'du feu...

Qu'jaime à t'vir, continte et légère.

Courir, banqu'ter, l'iong des caillaux.

Oh! comm' dins t'sort, t'as l'air dé t'plaire, Margré l'peu d'saquois' que té vos.

Va, gambad', trott', gambade incore.

Pu qu'té t'plais dins t'n'obscurité, N'cach' point à vir chuss que t'ignores. T'n'connos rien, rien n'est r'gretté.

Té n'es point non pus, bin sûr, sans peine.

Parfois un méchant galibot

Pou t'avoir, queurt à perdre haleine

Et veut l'écraser sous s'chabot.

J'sais bin qu'du côté d l'écurie, Si, d'hazard, té dirig' tes pas, Té risqu' beaucoup d'ia laisser t'vie, Egorgé sous les grifî's des cats.