MAROT PRISONNIER

ÉCRIT AU ROt POUl Bk DBLIVRAHCB

Roy des François , plein de toutes bontez » Quinze jours a , je les ay bien comptez, Et dez demain seront justement seize , Que je fuz faict confrère au diocèse De Sainct Marry en l'église Sainct Pris. Si vous diray comment je fuz surpris.

Et me desplaist qu'il faut que je le dye.

Trois grans pendars vindrent à l'estourdie En ce palais me dire en desarroy :

— Nous vous faisons prisonnier par le Roy.

Incontinent qui fut bien estonné?

Ce fut Marot, plus que s'il eust tonné. Puis m'ont monstre ung parchemin escript, Où il n*avoit seul mot de Jesu Christ; 11 ne parioit tout que de playdoirie De conseilliers et d'emprisonnerie.

— Vous souvient il, se me dirent ils lors» Que vous estiez Taultre jour là dehors Qu'on recourut ung certain prisonnier Entre vos mains. Et moy de le nyer; Car, soyez seur, si j'eusse dict ouy, Que le plus sourd d'entr'eulx m'eust bien ouy» Et d'aultre part j'eusse publicquement Esté m(înteur ; car pourquoy et comment Eusse je peu un aultre recourir Quand je n'ay sceu moymesmes secourir.

Pour faire court je ne sceus tant prescher Que ces paillards me voulsissent lascher. Sur mes deux bras ilz ont la main posée Et m'ont mené ainsi qu'une espousée.

Non pas ainsi , mais plus roide ung petit. Et toutesfois j'ay plus grand appétit De pardonner à leur folle fureur Qu'à celle là de mon beau procureur; Que maie mort les deux jambes luy casse! Il a bien prins de moy une bécasse Une perdrix et ung levrault aussi , Et toutefoys je suis encore icy.

Encor je croy, si j'en envoioy plus, Qu'il le prendroit , car ilz ont tant de glus Dedans leurs mains , ces faiseurs de pipée , Que toute chose, où touchent, est grippée !

Mais pour venir au point de ma sortie, Tant doulcement j'ay chanté ma partie

Que nous avons bien accordé ensemble ;

Si que n'ay plus affaire, ce me semble,

Sinon à vous. La partie est bien forte ;

Mais le droit poinct où je me reconforte ,

Vous* n'entendez procès non plus que moy ;

Ne plaidons point , ce n'est que tout esmoy.

Je vous en croy si je vous ay meifaict.

Encor, posé le cas que l'eusse faict.

Au pis aller n'escherroit que une amende.

Prenez le cas que je vous la demande ,

Je prens le cas que vous me la donnez,

Et si plaideurs furent onc estonnez

Mieux que ceulx cy «, je veux qu'on me délivre

Et que soubdain en ma place on les livre.

Si vous supply. Sire, mander par lettre Qu'en liberté vos gens me vueillent mettre. Et si j'en sors, j'espère qu'à grand peine M'y reverront, si on ne m'y rameine.

Treshumblement requérant vostre grâce De pardonner à ma trop grande audace D'avoir empris * ce sot escript vous faire; Et m'excusez si, pour le mien affaire.

Je ne suis point vers vous allé parler: Je n'ay pas eu le loysir d'y aller.