REGRETS DE THIBAULT, ÉLOIGNÉ DE SA. DAME

Li douz pensers et li douz sovenirs , M'i fait mon cuer esprendre de chanter, Et fine amors, qui ne m'i lait durer, Qui fait les suens en joie maintenir.

lo THIBAULT, COMTE DE CHAMPAGNE.

Et met es cuers la douche ramembrance ; Por c'est amors de trop haute poissance , Qui en esmai fait home resjoir, Ne por dolour ne laist de h partir.

Sens et lionor ne puet nus maintenir,

S'il n'a en soi sentis les maus d'amer,

N'a grant valor ne puet por rien monter,

N'onques encor ne vit nus avenir :

Por ce vos pri d'amors douche semblanche,

L'on ne s'en doit partir por esmaianche,

Ne ja de moi nel verrez avenir,

Que tout parfais vueul en amour mourir.

Dame, se je vos osasse proier , Moult me seroit , je cuit, bien avenu; Mais il n'a pas en moi tant de vertu, Que devant vos vos os bien avisier : • I ce me font et m'ochist et m'esmaie; Vostre beautés fait à mon cuer tel plaie. Que de mes iex seul ne me puis aidier, Dou regarder, dont je ai desirier.

Quant me covient , dame , de vous loignier,

Onques certes plus dolant hom ne fu ,

Et Diex feroit por moi, je croi, vertu.

Se je jamés vos pooie aprochier;

Que tous les biens et tous les maus, que j'aie ,

Ai-je de vous , douche dame veraie ,

Ne ja sans vos nul ne me puet aidier,

Non fera il , qu'il n'i auroit mestier.

THIBAULT, COMTE DE CHAMPAGNE. I l

Des grauz beautez , dont nus hom n'a pooir, Qu'il en desist la cinquantiesme part, Li dis plaisant, li amorous regart, Mi font sovent resjoir et doloir ; Joie en atent , que mes cuers à ce bée , Et la pavours c'est dedans moi entrée; Ensi m'estuet morir par estovoir, En grant esmai , en joie et en voloir.

Dame , de cui est ma granz désirée , Salus vous mant d'outre la mer salée , Corne à cheli , où je pens main et soir, N'autres pansers ne me fait joie avoir.

CHANSON. '

Dame d'amors et li max que je trai Font que je chant amourous et jolis Et en chantant rouver, ce k'ainc n'osai, Celi que j'aim , que je ne fusse escondis

Di tel don que de joie :

Mes ce n'ert ja que doie

Tel bien avoir de li , Se par pitié bone amor que j'en pri Ne fait aussi, con je sui siens, soit moie.

Loïal amours , de vo mal que ferai ?

Confortez-moi , je sui de vos sorpris.

' Cette chanson et la suivante ne se trouvent pas clans le recueil des Poésies du roi de Navarre de Lévéque de la Ravallièie.

Celerai-je ma dame ? ou li dirai Que por li sui en pêne et mi amis ?

Li célers me guerroie ;

Se li di , ele anoie :

Tost dira , fui de ci ; Et il n'est riens que je resoigne si ; Si me tairai , face sens ou foloie.

Fors qu'en chantant einsi me déduirai , En désirrant ce qu'amors m'a promis , Merci avoir ; que ne déservirai En mon vivant ne meillor qu'il ont quis ,

Et se j'en requéroie ,

Ma dame , et je faloie

Aussi qu'autre ont falli, Jamais déduit en espoir si joli .IN'auroit en moi.

Très dont que vi ma dame , me donai ; Ains puis ne fui de li amer faintis , Ne ja ne vvieille amors qu'en nul délai Mete le doue penser qu'en li ai pris.

Miex choisir ne sauroie ,

Et plus je ne porroie

Aillors penser qu'à li :

Ainz me convient , en espoir de merci , Vivre et manoir : por riens ne requerroie.

Aucune gent m'ont demandé que j ai Qui si porte pesme coulor ou vis ; Et je leur ai respondu , je ne sai , Si ai menti , c'est d'estre fins amis.

THIBAULT, COMTE DE CHAMPAGNE. l3

Ensi mes cuers leur noie ,

Et porquoi leur cliroie ,

Quant ma dame nel di Qui m'a navré ? mes tost m'auroit gari Selle savoit et dont s'en fust en voie.

Au pui d'amors convenance tenrai Tout mon vivant, soie amez ou haïs.

CHANSON

PciSQu'iL m'estuet de ma dolour chanter Et en chantant dire ma mésestance , On ne doit pas à mon chant demander

Qu'il ait envoiseure ;

Ainz chant selonc l'aventure, Si con cil qui ne puet merci troiiver Et qui en soi n'a maiz point de fiance.

Si cum Equo qui sert de recorder Ce qu'autres dit, et par sa seurquidance Ne la daigna Narcissus reguarder, Ainz sécha toute d'ardure Fors la vois qui encor dure ; Ensi perdrai tout, fors merci crier.

Et sécherai de duel et de pesance.

Douce dame qui me poez donner,

Pluz qu'autre rienz , de mes mauz aléjance ,

Se mi laissiez morir pour bien amer

l4 THIBAULT, COMTE DE CHAMPAGA^E.

Vostre en iert la mespresure.

Merci , franche créature , A la mort sui que n'en puis eschaper, Se loïautez et pitiez ne m'avance.

Paintre et maçon qui bien sevent ouvrer , Et trestout cil qui sevent d'ingremance J porroient touzjours lor tanz user

En œuvre et en pourtraiture,

Ainz que il feist sa figure Qui de biauté la péust resambler De cuer , de cors , de vis et de samblance.

Maiz amours que Narcissus fist mirer , Quant pour Equo en volt prendre venjance S'einsi vousist pour li une autre amer :

Tel qui de li n'éust cure

Mis l'éust à sa droiture Du grand orgueill qui le fait révéler Et en venist plustost à repentance.

6<s»»*'ô6a»^*^«*-*»^»^*»v«»a>fta«»»»*a^<r^»«g«»»ft^'8^»»**»^<^g»*g^s^fr^t^^^^

Charles d Anjou , frère de Saint - Louis , naquit en 1220, et mourut le - janvier i285. Gendre et héritier de Bérenger, comte de Provence, il fit la conquête du royaume de Naples , où il porta le goût de la poésie françoise. Il l'introduisit d'abord à Florence , dont il fut maître pendant plusieurs années. Le séjour de la maison dAnjou en Italie, et la résidence de la cour de Rome à Avijjnon durent établir entre les François et les Italiens des rapports de plus d'un genre ; les deux langues et les deux littératures durent se faire des emprunts mutuels. Charles d'Anjou , comme la plupart des princes de son temps , eut du goût pour la poésie , et composa des chansons parmi lesquelles on distingue les deux que nous donnons dans notre collection.

CHANSON

Li granz désirs et la douce pensée Que j'ai por vos , dame qui valez tant , Dont la peine ne puet estre celée Ou m'avez mis et tenu longuement , Encor tenez mon cuer en tel tonnent Dont ja n'istrai nul jor de mon vivant Se par vos non , douce dame honorée.

Li granz désirs et la paine m'agrée A souffrir tant de fin cuer bonement Que par vos m'iert tote joie donnée , Douce dame qui tant estes plaisant ; Et sachiez bien , madame , à ensciant Se de vos n'a aucun alégemant Je ne sais mais où merci soit trovée.

Et sanz merci comment iert endurée Si granz doiors par moi tant longement ? Se par vos est pitiez entroubliée , Douce dame à cui mes cuers s'atent, Mon cors perdrai et ma vie ensemant ; Et sachiez bien , dame , certainement Si en seroiz de fins amans blasmée.

Douce dame , car soiez remembrée De la peine que suefrent fin amant Tant que par vos me soit guerredonée Celé que j'ai soufferte, et tozjors sant : Car onques n'oi voloir ne hardement Ne j'a n'aurai, se Dieu plaist le poissant , Que par moi soit loïal amors ghilée.

Ja envers vos n'iert par moi porpensée Desloïautez , douce dame avenant ; La bonne foi qu'ai del cuer en convant Lors porroiz vous , sanz blasme de la gant , Et au maugré des félon mesdisant , Faire de moi ami com bien amée.

Douce dame , del tout à vos me rent, Aïez pitié de moi , s'il vos agrée.