C H A IN S O N

Trop est destroiz , qui est desconfortés De celé en qui il a tout son cuer mis , Et g'en ai tant soufert et enduré Paine et travaux corne loïaus amis ; Et sachiés bien ja ne m'en retraierai; Ainz serviray à mon pooir touz dis , Tant que j'aurai vers ma dame trové Aucun confort des maus où il m'a mis.

Li desconfors m'a si désespéré Que je ne sai que puisse devenir ; Mes un espoir m'a si réconforté Que il li doit de mes maus souvenir : Et tant me fi en sa grant loïauté Ja por autre ne me devra guerpir , Quant il saura con je li ai esté , Fins et verais , cortois sans repentir.

Se loïauté me voloit avancier , Bien porroie de légier soustenir Ma grant dolour, et mes maus aiégief Que bone amor me fait por li soufrir : Touzjours serai et sui en son dangier, Et sacbiès bien ja ne m'en «[uier partir Por ce li pri qu'ele mi veuille aidier, Qu'en desespoir ne me face morir.

Celle mi nuist qui m'y devroit aidier , Et si ne daigne avoir de moi merci , II. î

Ne iiule riens ne mi puet alégier Se celé non qui si me tient saisi Que ne me puis ne ne sai conseillier , Ainz en remain g dolens et esbalii.

Puisqu'el me veut en tel dolor laissier , Melz me vendroit la mort que vuist ensi.

Un seul confort me tient en bon espoir , Et c'est de ce c'onques ne la guerpi, Servie l'ai touzjors à mon pooir N'onc vers autre n'oi pensé fors qu'à li. Et à tout ce me met à non chaloir , Et si sai bien ne l'ai pas déservi :

Si me convient atendre son voloir Et atendrai comme loyal ami.