EXTRAIT DU ROMAN DE LA ROSE
Aux riches fortune fait voir, Dès qu'ils ont perdu leur avoir, De quel amour ceux les amoyent.
Qui leurs amis devant estoyent.
Ne trouvent nul qui les sequeure ; Mais le vrai amy si demeure , Qui n'aime pas pour les richesses, Tant a le cœur plein de noblesses ; Et tels amys moult bien se preuvent, S'ils entre mil un seul en treuvent; Car nul bien n'est en terre basse , Que valeur d'amy ne le passe :
Toujours vaut mieux amys en voye, Que ne font deniers en courroye;
Et valent mieux que nul avoir Qu'ils puissent en ce monde avoir, Dont leur profite adversité, Plus que ne fait prospérité ; Car par ceste ont-ils ignorance , Et par adversité science.
Et le pauvre qui, par tel preuve, Les vrais amis des faulx épreuve , Certes moins eust été déçu.
S'il s'en fust dès lors apperçu, Dont luy fait plus grand advantage , Puisque d'un fou a fait un sage. Mieux lui vaut le mal qu'il reçoit, Que richesse qui le déçoit; Car richesse ne fait pas riche Celuy qui en thrésor la fiche ; Mais souffisance seulement Fait homme vivre richement.
Aux richesses on fait laidures, Quant on leur oste leurs natures ; Leur nature est qu'ils doivent courre , Pour les gens aider et secourre, Sans estre à usure prestées :
A ce les a Dieu aprestées.
Certes Dieu n'ayment ni ne doutent , Qui tous deniers en thrésor boutent, Et plus qu'il n'est besoin les gardent, Lorsque les pauvres ils regardent De froid trembler , de faim périr :
Mais Dieu leur scaura bien merir.
Trois graiis mecliéances ad viennent A ceux qui telz vies maintiennent; Le premier est travail d'acquerre; Le second , qui le cœur leur serre , Est la peur qu'aucun ne leur emble, Quant ils les ont mises ensemble, Dont s'esbahissent sans cesser; Le tiers est douleur du laisser.
Ainsi pecune se revanche , Comme dame très noble et franche, Des serfs qui la tiennent enclose ; En paix se tient et se repose , Et fait les malheureux veiller, Et soucier et travailler.
A tel tourment vivront et vivent Ceux qui les grans richesses suivent.