EXTRAIT DU ROMAN DE EA ROSE

Jadis au temps des premiers pères.

Et de nos primeraines mères, Furent amours loyaulx et fines , Sans convoitises ne rapines ; Et le siècle moult précieux N'estoit pas si délicieux.

Ne de robes , ne de viandes ; Mais cuilloyent es bois les glandes ,

Pour pain , pour chairs et pour poissons ; Et cberchoyent par ces buissons Boutons , et meures , et prunelles , Framboises , frezes et cenelles , Fèves et poiz, et tels chosettes.

Comme fruits, racines, herbettes; Des chesnes, le miel découroit, Et l'eau simple chacun buvoit.

Terre d'elle-mesme apportoit Ce dont chascun se confortoit , Et faisoyent robes de laines, Sans teindre en herbes ni en graines ; Ez chesnes creux se reponnoient.

Quand les tempestes redoubloient.

Et quant par nuit dormir vouloient, En lieu de coy tes apportoient , En leurs places monceaux de gerbes, De feuilles, ou de mousse, ou d'herbes; Et quant l'air estoit appaisé , Et le temps cler et arrasé , Et le vent doulx et convenable.

Si comme un printemps permanable , Que les oyseaux en leur latin ^S'estudient chascun matin.

De l'aube du jour saluer.

Qui tout leur fait les cœurs muer, Zéphyrus et Flora sa femme , Qui des fleurs est maistresse et dame ; Ces fleurettes lors estendoient En coutepointes qui rendoient

Leur resplandeur par ces herbages, Par ces prés et par ces rivages.

Sur telz couches que vous devise , Sans rapine et sans convoitise , S'entr'acoloyent et baisoyent Ceux à qui jeux d'amour plaisoyent; Sous arbres verds pour ces gaudines , Leurs pavillons et leurs courtines De rainceaux d'arbres estendoient , Qui du soleil les défendoient.

Là démenoyent leurs caroles, Leurs jeux et leurs douces paroles.

N'encor n'estoit ne roy ne prince :

Mal fait qui l'autruy toit et prinse ; Trestous pareils estre souloient, Ni rien propre avoir ne vouloient.

Bien sçavoyent celle parolle, Qui n'est mensongiere ne folle; Qu'oncques amour et seigneurie Ne s'entrefirent compaignie.