DISCOURS DU VOYAGE DE CONSTANTINOPLE

Laissant la France à nulle autre seconde, La plus fertile et fameuse du monde.

Laissant le roy mon seigneur et mon prince , Pour sou service en estrange province.

Perdant de veue et messieurs ses enfans , Et de sa court les honneurs triumphans :

Et me voyant privé de la lumière , D'une qui est en beauté la première, Le sang esmeu par amour naturelle , Commence en moy une forte querelle :

J'ay d'une part vouloir de satisfaire A mon devoir, et service au roy faire Pour luy donner certaine congnoissance.

Que mon vouloir surmonte ma puissance : D'autre costé, mes sens sont esbaliis De l'eslongner, ensemble mon païs, Pour accointer une terre incongnue, De nation infidèle tenue.

Contraire à moy de foy et d'alliance, Où je n'espère amytié ne fiance.

Et tout ainsi comme le jeune autour, "Volant de branche en branche tout autour Des bois loingtains , qui eslongne son aire , Se void laissé et de père et de mère. Et luy convient seul apprendre à voler, A seul se paistre , à seul se consoler : Ainsi à moy, jeune de sens et d'âge, Convient errer loingtain pèlerinage , Et loing d'amys, de voysins et parens, Suyvre païs estranges apparens.

Mettre en oubly le naturel ramage.

Changer de mœurs , d'habitz et de langage. Tous ces labeurs remplis d'estonnement , Sont au partir en mon entendement; Mais la raison me va dire, au contraire, Que rien ne m'est tant propre et nécessaire

LA BORDERIE. agS

Que visiter diversitez de lieux ; Et que n'en puis enfin que valoir mieux, Ayant congneu mainte façon de vivre.

Ne plus ne moins que par lire maint livre , L'on peult attaindre à parfaicte science : Ainsi de l'œil la longue expérience, Le cours des lieux et le divers usage , C'est ce qui rend enfin l'homme très sage. Avec cela que l'honneur ne s'acquiert Que de celuy qui par peine le quiert.

Ainsi m'asseure, ainsi me reconforte.

Raison du tout; fors d'une peine forte A résister à son dire obstinée , Qui me demeure au cœur enracinée.

Ce n'est, amye, autre peine que celle Que je conceu par Tardante estincelle De voz beaux yeux, quand l'amour que je sens Vint occuper la force de mes sens, Qui tellement de mon cœur se feit maistre. Qu'autre que vostre il ne peult vouloir estre. Car nonobstant que la mer et le vent Portent mon corps es païs de Levant, Le cœur pourtant que voz grâces ont poinct. Me dit tout court qu'il ne me suy vra point , Si ne permets que cinq cens fois le jour, Il voyse faire auprès de vous séjour.

Très-voluntiers je luy donne licence :

Mais au retour il dit que mon absence Me causera, par la longueur du temps.

Perte du bien que de vous je prétends ;

Et qu'un qui n'ha jamais en vous pensé, De mes labeurs sera recompensé, En recevant sans vous avoir servie.

L'heureuse paye à ma foy deservie.

Voyla comment le cœur ne me dit chose, Où ne soit doubte et crainte froide enclose : Sans me scavoir, qui plus me desconforte. Dire comment vostre beauté se porte.

Que pleust à Dieu que mon corps peust aller Si aisément, ou par terre, ou par l'air. Comme vont tost mon cœur et ma pensée. Au lieu oii fut leur peine commencée.

Je compterois souvent au roy nouvelles; Souvent verrois la plus belle des belles, A qui pourrois de bouche à l'aise dire Ce que, contraint, suis en peine d'escrire. Car pour tromper, amye, les ennuys Que j'ay en cœur et les jours et les nuictz, Je n'ay moyen , fors escrire en la carte Les lieux loingtains où de vous je m'escarte : Pour vous donner entendre le discours De mon voyage, allant droict où prent court Soleil levant, lequel par accident Je vois cherchant, laissant en occident Autre soleil, qui cestuy ci surpasse De vertu claire, et vive bonne grâce.

S'il reste en vous encor quelque amytié, Vueillez donc voir cest escrit par pitié. Où vous verrez couchez sommairement Tous mes travaux , depuis le parlement

LA. BORDERIE. agS

Des deux vaisseaux, où de Melplie le prince Et duc de Somme, allans à leur province Avecques eux m'embarquèrent, pour cause, Que de présent vous escrire je n'ause.

Après avoir, au partir de Marseille, Pris du biscuit et de l'eau mainte seille, Dedens noz deux galères , bien munies De gens de guerre, et de vivres fournies; Au moys d'octobre , entrée de l'yver, Droict à Tolon nous vinsmes arriver.

Puis en mer liaulte après nous engoufrasmes , Et de Léon au gouffre nous entrasmes.

Vinsmes passer, sans prendre ou toucber terre. Près la Dardeine et l'isle de Sainct Pierre. Corsegue aussi à main gauche laissasmes, Et puis d'Enfer le gouffre traversasmes ; Jusques à tant que nous veismes l'antique Terre et païs de la coste d'Afrique ; Au mesme endroit où fut la grand' Carthage De Dido règne et fameux héritage.

Semblablement où d'Afrique la ville Faicte aux Rommains tributaire et servile, A Scipion donna bruit et renom.

Et d'Africain le louable surnom.

Nous costoyans doncques la Barbarie , Passasmes près de la Pantlielerie , Isle qui est des chrestiens habitée.

Puis Lampedouse, isle deshabitee.

Du mesme vent qui en mer nous exalte.

Sommes conduitz entre Suile et Malthe ,

Où sont manans Rhodiens chevaliers

De nostre foy colomnes et piliers,

Depuis le temps que les Turcs leur estèrent

Rhodes par force et d'eux la conquesterent.

Las quand je vey l'autre terre fertile,

La ires riche isle, royaume de Sicile,

Je ne me peuz tenir de dueil et d'ire

Dedens mon cœur de trahison mauldire,

Par laquelle ha tant de fois esté France

Mise en danger et non deue souffrance.

Saches , amye , autrefois que par guerre

Les preux François conquirent celle terre ;

Mais trahison qui procède d'envie,

La leur fit perdre avec leur propre vie;

Car en un jour tous furent à mort mis

Secrètement par traistres ennemis.

Qui font encor leurs successeurs infâmes

Du dueil qu'en ont en mémoire les femmes.

Suyvant propos les vents qui lors régnèrent Mestral, ponant, tant à poinct nous menèrent Par les endroictz où fut nostre entreprise, Qu'eusmes entrée au goufre de Venise, Au grand danger des prochains ennemis , Qui leur armée à Messine avoient mis.

Et au danger du goufre spatieux Souvent esmeu , bouillant et furieux ; Mais Dieu , qui sçait les siens tousjours conduire, Feit que pour lors rien ne nous y peut nuire. Le vent est frais en poupe qui nous meine; La mer bonasse attrempee Gt sereine.

Tant que passez nous sommes sans ennuys , Six cens mille oultre en trois jours et trois nuictz, Ayans nagé paravant dix mil mille Sans entrer port, chasteau, terre ne ville, Adonc paroist la bossue Albanie , L'isle de Gente et la Cliassalonie , Isles qui sont par renommée anciennes, Et de long temps bonnes Veniciennes.

Nous les laissons six mil près à main droite , Et au canal où la mer est estroite, Prenons la volte au long d'Esclavonie , Droict à Corfou , ville forte et munie De gens de guerre, armes et chasteau fort, Oî^i le grand Turc en vain feit son effort, Huyt ou dix jours avant nostre arrivée. Nous là venus d'une amytié privée Dedens l'esquif envoyons gens en terre, Tant pour sçavoir nouvelles de la guerre. Que pour prendre air et rafraichissement ; Mais il est vray que nouveau pensement Vient à ceux là qui ont fresches nouvelles. Il nous fut dit que les turcquesques voilles Se retiroient droict à Constantinople , Et le seigneur par terre à Endrenople, Qui nous donna un grand contentement D'estre certains du prompt département Que Turcs faisoient hors la terre chrestienne ; Car nous estions , quelque chose qu'on tienne , Là envoyez pour un effect semblable, A tous chrestiens utile et profitable.

Mais congnoissans l'entreprinse rompue,

Le temps changé, la voulenté nous mue,

Plus n'espérions r avoir ceste saison

Ce qui est nostre à trop juste raison ;

Mais presumans qu'une année oportune,

Dieu au bon droict donra bonne fortune ,

Nous concluons soudain fresclies eaux prendre,

Et de trouver nostre armée entreprendre.

Lors les ruraux gouverneurs de la ville,

Vénitiens de condition vile.

Usèrent bien de rusticité telle.

Qu'à Latona la déesse immortelle

Feirent jadis les villains de Lycie,

Dont ne resta leur offense impunie,

Car tost après que leur faulse malice

Eut apperceu la déesse sans vice ,

De boire au lac par refus estrangee.

Leur forme fut en grenouilles changée;

Si que depuis au parfond se massèrent,

De mesmes eaux qu'à grand tort refusèrent.

Laquelle peine et transmutation

Puisse venir à celle nation

Qui nous nia, non vivres seulement,

Mais eau qui est un commun clément.

Nous donc venus en Tingrate contrée

Sans avoir eu en aucun port entrée.

Fors à Gourfou, où nous ne fusmes guiere ,

Yinsmes prendre eau au port de la Figuiere.

Puis à virer les proues commencasmes

En faisant force, et tant nous avançasmes,

Que de Patras au goufre nous nous mismes, Et la turcquesque armée descouvrisnies, Surgie en mer, en troupe espouventable, Dont le regard n'est pas moins véritable Ne moins estrange à l'œil qui le contemple, Qu'est incroyable au monde le bruit ample Des hommes, nefz et galères sans nombre. Mettant le goufre et les poissons à l'ombre , Si qu'au travers l'onde marine verte Ne pouvoit estre à mes yeux descouverte; Et me sembla, des le premier arrest.

Que je voyois une grande forest Qui paroissoit couppee de nouveau, Où l'on avoit laissé maint baliveau; Tant y avoit d'arbres et de longs mastz. Qu'à les nombrer on n'eust sceu faire amas De la moytié, non pas du demy quart, Y eust Argus ses cent yeux à l'escart.

A l'arriver, les galères françoises Nous saluans, feirent grand bruit et noyses; Forsatz, captifz, trompettes et haultbois. Coups de canons font entendre leur voix. Turcs en api'ès tout en un mesme instant Mirent le feu et en feirent autant , Tant qu'à l'entour de l'armée qui bruit. L'air est si plein et de flamme et de bruit. Que l'on n'eust pu entendre Dieu tonner, Ne se garder à peine d'estonner.

Cela passé, csquifz en mer boutez.

Nous ont soudain en leurs vaisseaux portez,

ooo LA BORDERIE.

Où voyons cas estranges et divers ,

Qui seroient longs d'escrire par mes vers.

Je laisse là leurs institutions, Leur faulse loy , leurs superstitions , Leur vestement, la façon de manger, Le recueil faict par eux à l'estranger.

Je me reserve une fois le plaisir De vous compter les choses à loysir; Suffise vous entendre pour ceste heure , Qu'après avoir faict avec eux demeure Huit ou dix jours, et traicté les affaires Au hien puhlic de nous tous nécessaires, Prismes congé et resolution De retourner à nostre nation.

Voyans le temps favorable et propice, Chascun s'appreste à faire son office.

Forsatz aux rames, aux tymons tymonniers. Proues en proue, aux canons canonniers Courent soudain, et mariniers aux voiles. Pour du bastard construit de maintes toiles. Donner aut vent, le large, et spacieux. Au vent le vey souef et gracieux, Que les Latins zephyrus appellerent.

Ses doulx souspirs adoncques nous coulèrent Paisiblement par la mer Thyrrenee, Où ^Eneas, par fortune effrénée.

Souffrit jadis diverse affliction, Cherchant aux siens nœuve habitation.

La mer, tranquille alors, ne nous moleste; Parmy son bleu, couleur viv^e et céleste^

LA BORDERIE. 3o r

Voyons poissons au plonge qui se jouent; Oyseaux divers par l'air serain qui rouent; Le ciel est cler , la terre faict silence ; Tous éléments cessent leur violence, Et chascun d'eux s'embellit tout autour, Pour nous donner agréable retour.

O quel plaisir, amye, ce m'estoit De voir le temps qui au beau se mettoit , Favorisant la mienne affection Pour tost revoir vostre perfection.

Mais cependant la fortune, ennemye De si grand bien, n'estoit pas endormye; Car dès le temps de ma jeunesse tendre , Elle souloit à me nuyre prétendre, Et pour plustost à ses fins arriver, Avoit brassé mes jeunes ans priver Du ferme espoir que moy, foible, avois mis Aux eslevez miens parens et amys; Faisant leur vie en guerre terminée.

Et mon attente avec eux ruinée , Pour me garder en après de venir.

Et en ses fers esclave me tenir Ne plus ne moins que l'orme qui surmonte La vigne estant autour de luy, qui monte, Par ses rameaux espars à la rengette.

Là vous contraint de demourer subjette.

Et ne permet jamais qu'elle paroisse.

Fortune aussi, par ses brandies d'angoisse, Par ses rameaux portans fruicts de douleur, Ha tousjours mis obstacle de malheur

3o2 LA BORDERIE.

A mes vouloirs, non en terre addonnez, Mais pour attaindre à l'honneur ordonnez. O quantesfois de vertu la contraire S'est envers nioy declairee adversaire ! Combien d'assaultz , quantes peines diverses M'ont inventé ses finesses perverses !

Et mesmement en la juste entreprise, Que soubz attente honneste j'avois prise Pour en noz mains, amye, mettre gage, Qui d'amour porte un certain tesmoignage , Et par effect la foy vous asseurer, Que j'ay promis éternelle durer, Où long-temps ha j'eusse heureuse fin mise, Si la fortune à nous deux l'eust permise. H me suffit que vous ayez peu veoir La faulte en elle, et non en mon devoir. Laquelle ayant mon heur ainsi deffaict, Sçavez-vous bien en après qu'elle ha faict ? Si tost qu'elle eust le lien empesché , Qui noz deux corps peult joindre sans péché. Et qu'elle eust terme ordonné des six moys, Pour reculer le bien que tant j'aymois ; Afin du tout m'en frustrer et chasser.

Elle me va à la court pourchasser, Soubz ombre d'estre un mien advancement. Nouvelle charge et nouveau pensement.

Me contraingnant laisser maistre et amye, Pour me soubmettre au danger de ma vie. Laquelle tost voulant la faulse estaindre, Aux bas enfers se despesclia d'attaindre .

LA BORDErjE. 3o3

Ou de lu mort s'accointa tellement, Qu'elle la feit venir secrettement Cacher aux montz d'Albanie, à l'endroit Où je devois prendre mon chemin droict Par celle mer qui bat les propres montz ,

Y prétendant me submerger aux fonds; Mais cependant que va elle inventer ?

Voyant des miens en ce monde rester Un seul amy, vm mien prochain parent.

Qui de long temps, par service apparent, Avoit acquis honneur, bruit et estime Envers son prince et pais légitime,

Et promettoit, par mérites anciens.

Une espérance heureuse à tous les siens,

Elle le vous attire pas à pas ,

En l'Albanie, où mort ne dormoit pas,

Laquelle estant de frapper très experte ,

Feit de sa vie à France et à moy perte.

De tel apast, la mort affriandie.

Court par le camp turcquesque à l'estourdie ,

Et vous transmet de foy mainte ame nue.

Aux bas enfers dont elle estoit venue.

Puis espiant si point en mer je nage,

Y veult venir faire un nouveau mesnage ; Devant le camp Saincte Maure nommé , Où elle esmeut le combat renommé

Entre André Dore , ayant pour lors bon heur, Et Courly Turc, de Rhodes gouverneur; Et comme elle est souvent favorisante.

Moins au bon droict qu'à la force puissante ,

3o/| LA BORDERIE.

Faisant du nombre et des plus fors rampart , Elle se paist de la plus foible part.

Ce temps pendant que ces choses susdictes , Telles estoient que je les ay escriptes, Et que mes deux mortelles ennemies, A me guetter n'estoient point endormies; Amour, lequel, au partir de la France, Meu de pitié pour ma juste souffrance.

Et comme Dieu qui toutes choses voit, La trahison de Fortune sçavoit ; Avoit promis de ne m'abandonner, Ains en tous cas du secours me donner, M'ayant ainsi du tout pris en sa charge. Me conduisoit par la mer ample et large, Si seurement qu'assez près des cruelles Oultrepassay, sans estre apperceu d'elles; Mais au retour, comme j'ay desja dict, Ayans du ciel la faveur et crédit, Et sur le poinct que par doulx soufflemens Favorisez estions des elemens , L'horrible mort, très infecte et puante, Dressa sa teste, estant encor sanglante De sang turcquesque , et voit en pleine mer Tous noz vaisseaux, pour lesquelz escumer Elle se plonge et nage entre deux eaux.

O combien lors de changemens nouveaux Vindrent soudain en ce cler hémisphère ! Neptune à soy estimant vitupère Souffrir ce monstre en son règne abordant , Frappa trois fois les eaux de son trident,

LA BORDERIE. 3o5

Et commanda yssir hors la tourmente, Pour publier son ire véhémente. Lors Eolus voyant l'émotion De ce grand roy, congneut l'intention, Et va soudain ouvrir porte et caverne, Où sont encloz les grands vents qu'il gouverne , Laschant la bride à leur fureur légère, Pour courir sus celle beste estrangere, Près de laquelle il n'y ha poisson tel Qui éviter puisse son dard mortel.

Soit la balaine. estrange de corsage, Comme le moindre elle meurt au passage. Mesme daulphins fuyans l'orde et immonde, Sortoient en troupe à grands saultz dessus l'onde; Manifestans avoir désir d'aller Hors de la mer, s'ilz eussent peu voler. Tous les poissons qui fuyans s'esvanterent. Eurent tfel peur qu'oncque puis n'en parlèrent. Tant estoit grande, effroyable et horrible. Qu'elle bouta en un trouble terrible , Non point la terre, ou la mer seulement. Mais du hault ciel le plus cler élément. Car Apollo abhorrant tel spectacle , Devint obscur en un rien par miracle; Et retirant en son divin manoir Ses luisans rays, s'abilla tout de noir. Le dieu des dieux , le puissant Juppiter Voulut aussi soudain se despiter Contre Pluton, d'avoir laissé sortir La fîere mort, sans point l'en advertir;