Mauvais vin

rippopé ou fuslé ', pour la grand soif qu'il a, il le trouve assez, bon en beuvant ; mais quant il a beu, il trouve un mauvais desboii -, et qui le vouldroit croire , il n'en bevroit plus si en detïault d'autre meilleur n'estoit. Aussi sachez que la dame qui a son amy à sa plaisance, par nécessité et deffault d'aultre , à la rcqueste de son mary, en prent aucunesfois pour passer sa soif et pour passer temps. Et pource, quand son mary en veult prendre et elle ne le veult pas , el lui dit : I' Pour Dieu , fait-el , lessez moy ester et actendez devers le matin. — Certes, m'amie , ferail, non feray; tournez-vous devers moy. — Par dieu, mon amy, fera-elle, vous me ferez grant plesir si vous me lessez ester jusques à matin. » Lors la dame se tourne, et le bon homme, qui ne luy ouse desplaire, la lesse jusques au matm. Lors la dame , qui pense à son amy, et a entencion de le voir le lendemain, qui n'est pas tout un, dit à soy-mesmes qu'il n'y touchera pas au matin ; et pour ce se liève bien malin et fait semblant d'estre bonne mesnagere , et le lesse dormant. Et à l'aventure el a bien veu son amy et a fait ses plaisirs davant que son mari se levé ; et après elle fait trop bien le ménage. Aucunesfois avient que elle ne se lieve point , mes davant le jour elle se plaint et mignote tout à escient d'aguet 5 ; et le bon homme , qui l'a ouye , lui demande : <( Qu'avez-vous , m'amye? — Vraiement, mon amy, j'ay si grant mal en ung costé et ou ventre que c'est merveilles : je croy que c'est