I . Que Dieu m'assiste

DE Mariagi::. 5 1

à essient, car s'il ne achaptoit bien les amours il ne les priseroit riens. Il vient à elle et la salue, et elle luy. «^ Quelles nouvelles, dit-il, Jehanne m'amie ? que fait vostre maistresse ? — Par ma tby, fait-elle, el est à l'oustel bien pensive et bien courrocée. — Et de quoy , fait-i' , m'amie ? — Par ma foy, mon seigneur est si mal home que elle a trop mal temps. — Ha a! fait-il, mauldit soit le villain chatrin ' ! — .Amen, fait-elle : car nous ne pouvons durer avecques luy - en nostre meson. — Or me dites, Jehanne, que elle vous a dit. — Par ma foy , fait-elle , je luy en ay parlé, mais el ne s'y accorderoit jamès : car elle a si grant paour cfe son seigneur que c'est merveilles, et a affaire à ung si mal home; et si elle le vouloit, ore si ne pourroit-elle , tant est gardée de son père et de sa mère, et de tous ses frères. Je cuide que la pouvre femme ne parla oncques puis à homme que je demoure avecques elle "fsi a-il quatre ans) fors à vous l'autre jour; et non obstant il luy souvient tousjours de vous, etscey bien (selon que je puis cognoistre) que si elle vouloit amer, que elle ne vous reffuseroit pas pour nul autre. — Jehanne m'amie, fait-il, je vous pri à joinctes mains que vous me faces ma besongne , et par ma foy vous serez ma maistresse ■à jamais. — Par mon serement , fait-elle , je luy en ay parlé pour l'amour de vous : car, par ma

1. Jaloux qui tient sa femme enfermée comme dans une espèce de chartre. On a dit châtre pour chartre, et de là S. Denis de la Châtre, comme quelques-uns prononcent le nom de ce prieuré. L. D.

Le manuscrit porte chutrin. C'est une faute du copiste.