LA SIXTE JOYE

:a sixte joie de mariage, si est quant iceliii qui est marié a enduré toutes les peines et travaulx dessus desclekrcz, ou aulcun d'iceulx, et par especial il est jeune , et a femme de diverse manière , et son mary est un bon homme qui a une très grant amitié avecques elle , et lui fait tous les plesirs qu'il peut : et jasoit ce que elle soit proude femme, elle met son intention d'estre mestresse et de savoir les besongues de son mary , et fust-il président , et s'en veult entremettre , et faire aucunes responces , si mestier est. Et est toute condicion de femme de sa nature telle, quelque mary que el ait, et jasoit ce qu'elle est bien aise et qu'il ne lui fault rien , elle met tousjours son entente à mettre son mari en aucun songe ou pencée.

Et aucunesfois que le mari et sa femme sont en leur cliambre toute une nuit et demi jour,

Les Quii^ze Joyes de Mar. 73 devers le matin sont en toutes joies et liesses, et la mari la lesse en la chambre, où elle se tiffe et appareille joieusemcnt , en faisant bonne chiere , et s'en va fère apprester à disner, et pense de ses besongnes par la mesou : et quand il est temps de disner, il apelle la dame. Mes une des servantes ou ung des enfans li vient dire que la dame ne disncra point. Allez luy dire , fait-il , qu'elle vienne. Lors s'en va la servante ou l'enfant, et lui dit : Madame, Monseigneur vous mande que vous en veniez disner, car il ne mengera jusques ad ce que vous soiez venue. — Va lui dire, fait-elle, que jenedisneray point. — Alezlui dire, fait-il, qu'elle s'en vienne. Lors fait sa responce, et le bon homme vient à elle et s'enquiert que elle a , et s'esbahit fort, combien qu'il ait aucunesfois veu jouer le personnage : mes pour enqueste qu'il puisse faire , il n'en aura jà aultre chouse ; et en effet elle n'a riens, mes elle se joue ainsi. Et à l'aventure el ne viendra point disner, pour chose que il puisse faire. Aucunesfois il fait tant que el vient, et la maine par dessoubz l'esselle, comme une espousée, et s'en v^ont disner; et est jà la viande froide, tant l'a fait actendi'e. Et encore fait-elle telle contenance et telles sérimonies, que elle ne mengera , ne iuy aussi, qui est si beste qu'il s'en donne mal aise :

•ji Les Quinze Joyes

et de tant qu'il l'aura plus chicre , de tant luy fera-el plus de melcncolies pour lui donner soussy. Et fait très bien; car une femme n'a que faire mectre paine d'acquerre la grâce de celui qui l'aime bien, et qui lui fait tous les services qu'il peut : mais elle doit bien faire conte d'acquérir la grâce de celuy qui ne tient conte d'elle, par la belle cbiere et beaux services. Et lui semble bien qu'elle fait beaux faiz, quant elle fait son mary souvent plain de soussy et de pencées.

II advient aucunesfois que le seigneur va hors de l'oustel à ses besongnes , et amaine ung ou deux de ses amis avecques lui à sa meson, pource qu'il a afïcre d'eulx, ou qu'ilz ont affaire de lui. Etavient aucunesfois, quant il est dehors , comme dit est , cnAoie un valet devers sa femme , et luy prie que el face trèsbien appareiller l'oustel , pour faire bonne cbiere à ses amis qu'il amaine avecques luy, car il leur est moult tenu et a affaire d'eulx ; en la priant aussi que elle face aprester des viandes, tant qu'ilz soient bien aises. Le A'allet arive devers la dame , et la salue , et lui dit : ma dame, fait-il, Monseigneur s'en vient cy au giste , et viennent avecques luy quatre hommes d'estat ; et vous prie que vous facez très bien appareiller tout, et qu'ils soient bien aises. —

DE Mariage. yS

Par ma foy, fait-elle , je ne m'en mesleray jà ; je n'ay que l'aire de ses lestes ; que n'y est-il venu luy-mesmes ? — Je ne sçay, ma dame , mais il le m'a dit ainsi. — Ce m'aist Dieu, faitelle , tu es ung mauves garczon , et te mesles de tioj) de chouses. — Lors le varlet se taist, et la dame entre en sa chambre, et est telle que elle n'en fera aultre chose , et qui pirs est , el envoiera touz ses serviteurs dehors , les ung çà, et l'autre là; et ses filles, si elle en a, ou ses chamberieres , sont bien aprinses que elles doivent dire au bon-homme quant il sera venu. Or s'en Aient le proudomme, et appelle; et une des filles ou des chamberieres luy respond ; lors demande le bon homme si tout est bien apresté. Par ma foy, Monsieur, fait-elle, madame est bien malade ; il n'y a rien fait. Le bon homme est courrocé , et maine ses amis en la salle, ou ailleurs, selon son estât, où il n'a feu ne rien prest ; ne demandez s'il est bien aise. Car à l'aventure ses amis qu'il a amenez virent bien quant il envoya le valet davant , dont ils peuvent bien noter que tout ce que le seigneur commande n'est pas arrest de parlement. Lebon homme huche ' et appelle ses gens :

* Hucher, appeler quelqu'un en criant. Mot conservé dans le patois.

yG Les Quinze Joyes

mes il ne trouve à l'aventure que ung pouvrc vallet, ou une pouvre vieille qui ne pourroit gueres faire, que la dame a retenus à l'aventure, pour ce que elle sceit qu'ilz ne povent rien faire. Il vient en la chambre de sa femme, et lui dit : belle dame, que n'avez-vous fait ce que je vous avoye mandé? — Sire, fait-el , vous commandez tant de choses d'unes etd'aultres, que l'en ne scet auxquelles entendre. — Saincte Marie ! fait-il en se gratant la teste , vous m'avez fait le plus grand desplesir du monde : car voiez-cy les gens du monde à qui je siiy plus tenu. — Et que en pui-ge mes, sire, fait-elle, ne que voulez-vous que je en face? Nous avons bien maintenant afaire de vos conviemens? Par ma foy, il pert^ bien que vous n'estes gueres sage. Mais au fort, faites à vostre guise , car il ne m'en chault. — Je vous demande, belle dame, pour quoy vous avés envoie les valiez dehors ? — Et savoy-je bien , fait-elle , que vous en eussiez afaire ? Comme que elle les avoit envolez tout en essyant et par dépit du bon homme. Lors lui, qui veult entendie à adouber^ la faulte , lesse les paroîles, et s'en va bien doulant , car il amast mieulx ,

- // pert , il appert , il paroît.

3 Adouber, réparer. Encore usité au jeu de trictrac. On dit aussi radouber un navire.

DE Mariage. 77

à l'avenlure , tels gens povent-ce estre , avoir perdu cent cscuz d'or. Mes à la dame n'en chault de tout cela ; elle le cognoist bien , il ne la moi'dra jà, carell'a autresfois veii. Briefvement, il court par la maison et ralie ce qu'il peut trouver de ses gens , et fait le mieulx qu'il peut. Or demande le bon-homme des napes , des touailles^ ouvrées et blanches : maison lui rapporte qu'il n'en peut point avoir. Il va devers la dame , et lui dit que ces seigneurs , qui sont ses parens et ses especiaulx amis, l'ont moult demandée ; si la prie moult doulcement que el les vienne veoir et les festier et faire bonne chiere. — Et que iroi-je faire ? fait-elle. — M'amie , je vous prie que vous y venez , pour l'amour de moy. — Certes, fait-elle, je ne iray point ; ils sont trop grans maistres , et ils ne prisent rien pouvres femmes. — Lors à l'aventure el ira : et si el y va, elle fera telle chiere et telle contenance , qu'il vallist mieulx au proudome que elle n'y eust oncques esté ; car ses amis cognoistront bien sa manière , et que leur venue ne li plaistpas. Et si elle n'y vient, et le bon home li demande des touailles et des serviettes : Des touailles? fait-elle; il y en a

* Touailles , serviettes. Mot encore en usage dans le midi.

78 Les Quinze Joves

dehors de plus belles que ne leur appartient , pour plus grands mcstres qu'il z ne sont : et quant mon frère ou mon cousin , qui sont de aussi bon lieu comme ilz sont, viennent ciens, ilz n'en ont point d'aultres ; et aussi toutes les aultres sont en la buée. INon pourtant, je ne-le dy pas pour les touailles , mais aussi bien ai-ge perdu mes clelz dès à matin ; voiez la chamberiere qui les quiert en celle paille de lict , car je ne scey que j'en ay fait , pource que j'ay tant afairc que je ne scey auquel entendre , et en ay la teste toute gastée. — Vraiement, fait-il, je suis bien trompé , vraiement, fait-il, je rompre les coffres. — Par ma foy, fait-elle, vous ferez une belle chouse : je m'en actens à vous, et vouldroye que vous les eussiez derompuz. Lors il ne sceit que faire , et se passe à ce qu'il trouve, et cuide qu'elle die vray, et vont à la table. Or fault-il avoir du vin frais , car celuy qui est en despence ^ n'est assez bon ; mais on ne peut trouver le guibelet^, pource que la dame ne le veultpas : et n'y a froumage ne aultre chouse ,

^ En despense , de la pièce qui est. en perce, de laquelle ou tire le vin pour la consomniatiori journalière.

<* Guibelcl. Vrille, villebreqiiiu. Ce petit instrument étoit nécessaire au bonhomme pour percer une autre pièce de vin.

DE Mariage. y g

mais convient à raventure en aller quérir chiés les voisins. Le page' du bon home est avccques les pages de ses amis, en Festable, et leur compte commeul la dame fait le malade, tant est courrocée que leurs raaistres sont liens. Ors'aprouche le temps d'aller coucher ; et ne peut le bon homme avoir linceuh ^ frais, pour les clefs qui sont perdues , ne orillers, ni fins couverchefs ; si fault que ils couchent en linceul\ communs. Or s'en vont les amis au matin , qui ont bien veu la contenance de la dame, et leurz valiez leur comptent en chemin ce qu'ils en ont aprins avecques le page du proudomme : si s'en raudent en chevauchant. Et toutefois ils n'en sont pas bien contens , et dient qu'ih n'y entreront mais en pièce : et vallist mieux au proudomme avoir assez pei'du du sien , que les avoir menez.

Quant vient au matin, il vient à sa femme, et lui dit : vraiement, dame, je me merveille moult de vostre manière; ne je ne me sauroie comment gouverner avecques vous. — Ave Maria , fait-elle, et y a-il tant affaire avecques moy ? Helas ! je ne fine jour et nuit de nour-

' Le Page. Autrefois on appeloit pages même les valets d'écurie. L. D.

^Linceuls, draps de lit. Encore en usage dans ce sens, mais plus encore dans celui de drap mortuaire.

8o Les Quinze Jo Y ES

rir porcs, poulcins, oaies; et fille et travaille et fais le mieulx que je puis, tant que j'en mourray avant mes jours : et encor ne puy-ge avoir une heure de pacience , et vous ne travaillez si non à despendre et à gaster tout , à gens dont je n'ay que faire. — Que faire ? dira le mary ; ce sont gens qui me povent bien nuii'e ou aider. Lors souvient au bon-homme que quant un escuyer du pays , qui est un grant galant , vient liens , il n'y a rien espargué : et toutesfois le bon homme li a dit qu'il ne veut point que elle Fatire en sa mesonj car il n'y a que faire. Et elle lui a respondu que c'est il qui l'y fait venir; et li réplique sur le tout. Adonc commence la noise ; et a l'aventure la battra ; mes il fera que foui. Si li dit le bon homme : par le salut que je actcns à avoir, s'il avient que jamès je le trouve ciens, ne que vous parlez à lui, je vous feray la plus courrocée que vous fustes oncques. — Par ma foy, fait-elle, il ne m'en chauldi'oit s'il estoit pendu : mais ainsi est, car qui ne pcche si encourt blasmc. Si je fusse femme qui me gouvernasse mauvèsement , je ne me meiveillasse pas, et fusse mieulx de vous que je ne suy. Or sont en noise. Et à l'aventure par malice de lui ou d'elle , ilz seront une pièce sans coucher ensemble; et est

DE Mariage. 8i

ce qu'elle demande : car, à l'aventure , l'escuier dont il lui a parlé viendra la nuit par Tuis de derrière , ou montera par une fenestre. Après convient que la chose se rapaise , et convient que le bon homme commence la paix et la flate , car femme veut tousjours estre flattée : ne il n'est si grant mensonge , tant soitil cstrange, que elle ne croye tantoust, mes que ce soit à sa louange .

Or passe ainsi le temps, jusques ad ce que le bon homme trouve par aventure la dame parlant à l'escuier dessusdit , en la meson ou à l'église, ou à une feste où il a esté; dont il entre en plus grant jalousie que davaut. Il sç deffeit, et entre en plus grant pencée , et espie et enquiert , dont il fait que foui , car noble cuer de homme ne doit point enquérir du fait des femmes. Car si le bon homme sceit une foiz la faulte de sa femme, il entrera en telle maladie quejamès nul médecin ne l'en guarira. Et puis qu'il enquiert et serche sa honte et il la trouve, il est bien raison qu'il endure le mal qu'il a serché et quis ; et en ce cas je le tiens pour perdu : car tousjours il lui courra surs , el elle pirs en fera. Et sera en grand péril de ses biens et de son corps ; et vieillesse le sourprendra ; il assotira et abestira du tout pour le droit du jeu. Ainsi est en la nasse enclous en douleur et en

tristesse , qu'il prent pour joye , veu qu'il ne vouldi'oit point autrement ; et s'il s'en repent il n'est pas temps. Ainsi demourra en tourmens tousjours, et finera misérablement ses jours.