SECRET D'VNE ITALIENNE A VN FRANÇOIS

Pour Rapprendre bien tost la Langue Italienne, Comme à moi la Françoise aussi,

Prens la mienne en ta bouche, ou donne-moi la Chacun aura sa langue ainsi. [tienne.

de la Guerre d'Estampes. 71

EXCEZ DE VERTV DANGEREVX.

Tu tranches de ces forts esprits.

Qui mettent tout dans le mespris.

Et dont l'ame à l'amour en maîtresse commande ;

Mais la vertu choque les Dieux Comme vn nouueau géant, alors qu'elle est trop

[grande,

Et s'ils sont sans riuaux aux Cieux, Ils n'y font si souuent éclatter leur tonnerre, Que pour n'en auoir point aussi dessus la terre.

DESESPOIR IRRESOLV.

Destins, dont les reflus agitent mon enuie,

Ostés le voile à vos secrets,

Faites moi lire de plus prés Les arrests de ma mort ou bien ceux de ma vie :

le languis, et raisonne en vain, La puissance d'vn homme est foible sans la vostre,

Et tel se perce d'vne main.

Qui pour auoir secours, estend aussi-tost l'autre.