LE PORTRAIT DE PANURGE

Un jour, Pantagruel, sej pourmenant hors de la ville vers l'abbaye Sainct-Anthoine, rencontra un homme beau de stature et élégant en touts linéaments du corps...

De tant loing que le vist Pantagruel, il dist ès-assistants :

— Voyez-vous cest homme qui vient par le chemin du pont Charenton ? Par ma foi, il n'est paouvre que par fortune, car je vous asseure que à sa physionomie, Nature l'ha produict de riche et noble lignée, mais les adventures des gents curieux l'ont réduict en telle pénurie et indigence...

{Liv. Il, chap. ix.)

Panurge estoit avec lui, ayant tousjours le flacon sous sa robe et quelque morceau de jambon; car sans cela jamais n'alloit-il, disant que c'estoit son garde-corps : aultre espée ne portoit-il. Et quand Pantagruel lui en voulut bailler une, il respondit qu'elle lui eschaufferoit la râtelle.

(Liv II j chap, xv.)

Panurge estoit de stature moyenne, ni trop grand ni trop petit, et avoit le nez un peu aquilin, faict à manche de razouar; et pourlors estoit de l'âge de trente et cinq ans ou environ, fin à dorer comme une dague de plomb, bien galand homme de sa personne, sinon qu'il estoit quelque peu paillard, et