ORDONNANCES ET RÈGLEMENTS
de Simon comte de Montfort pour la réformation du pais et terres par lui acquises.
Au nom de Nostre-Seigneur Jésvs-Cbrist, nous acheminons lousiours tous nos conseils et tous nos actes,
APPENDICE
parce que par luy nous feusmes constituez en siège de justice non petit, afin que ce qui est attempté contre Dieu, l’Église romaine et justice, soit par notre prouision et solicitude, reuoqué à la droicte voye,et estant reuoqué soit maintenu en fermeté mesmement pour abolir la malice des hérétiques, et extirper celle des prédateurs et tous autres malfacteurs. Pour ce nous Simon comte de Licestre, sieur de Montfort par la prouidence diuine, viscomte de Beziers et Carcassonne, sieur d’Alby et Rhodez, désirant accomplir toutes les choses susdites, auoir et maintenir la terre en .paix et repos, à l’honneur de Dieu et de la saincte Église romaine, de nostre Seigneur le roy de France, et à l’vtilité de tous nos subjects, par le conseil des vénérables seigneurs, sçauoir est les archeuesques de Bourdeaux, éuesques de Tolose, Carcassonne, Agen, Périgueux, Couserans, Commenge et Bigorre, et des sages hommes nos barons et principaux vassaux, mettons en toute nostre terre generalles coustumes, lesquelles commandons estre de tous inuiolablement obseruées, et sont celles qui ensuiuent.
Que tous priuiléges des églises et maisons de religion octroyés de droict canon ou humain, et leurs libertés, soient de tous et partout obseruées et entretenues; deffendons que les églises ne soient par les lays conuerties en chasteaux ou forteresses, ne réduittes en servitude, ains commandons que celles qui Pont esté soient desmolies, ou réseruées à la volonté des éuesques, lesquels toute fois ne pourront retenir telles églises fortifiées en chasteaux et villes des autres seigneurs.
Item. — Toutes prémities soient sans aucune difficulté renduës aux églises, selon que l’on a accoustumé les ren-
dre en ce pais, et toutes dixines soient payées , comme il est escrit et commandé par notre' sainct père le Pape.
Ilem. • — Nul clerc soit taillé, mesme à cause de l’héritage qu’il a, s’il est marchand ou marié, et le semblable soit de la pauvre vefue.
Ilem. — Nulle foire ou marché soit doresnauant tenue le jour de dimanche, et s’il s’en treuue aucun qui y ait esté institué, soit remis à un autre jour, par la volonté du seigneur de la terre et du comte.
Item. — Quiconque aura prins un clerc en crime quel qu’il soit, ou en autre manière, ores qu’il n’aye que la simple tonsure, le rende sans délay à l’éuesque ou à l’archidiacre, ou à autre par leur mandement, et s’il le retient soit incontinent excommunié, et par le seigneur supérieur conslraint le rendre.
Item Chacune maison habitée de la commune terre
conquise, soit tenue payer chascun an trois deniers melgoriens, à notre safnct père le Pape et à la sainte Église romaine en signe et mémoire perpétuelle, que par son aide elle a esté acquise contre les hérétiques, et donnée à tousiours audit comte et ses successeurs, et sera le temps pour leuerce deuoir despuis le commancement du caresmes jusques à Pâques.
Item. — Soient constraincts les paroissiens ès jours des dimanches et festes, esquelles on cesse des œuures manuelles, venir à l’église y ouyr la messe entière et le sermon; et s’il adulent que es dicts jours le seigneur ou le
APPENDICE
dame de chascune maison estans en la ville ou village, sans empeschcments de maladie ou autre cause raisonnable, ne viennent à l’Église, ils soient tenus payer six deniers tournois, monoye applicable, la moitié au seigneur desdicts ville ou village, et l’autre diuisée entre réglise et le curé.
Item. — En tous villages esquels n’y a église, et y a maison d’hérétiques, la plus propre soit baillée pour y faire l’église, et l’autre au curé pour y habiter; et s’il y a église, et ledit curé n’aye maison, la plus voisine de ladite église, ayant esté aux hérétiques, soit donnée audit curé.
Item. — Quiconque doresnauant permettra sciemment l’hérétique habiter en sa terre, soit par argent ou autre chose, le confessé ou conuaincu, pour le seul fait, perdra à tousjours toute sa terre, et son corps sera en la puissance de son seigneur, pour le rançonner à sa volonté.
Item. — Sera permis à chascun, soit cheualier ou roturier, donner de son propre héritage en aumosne, jusques au quint, selon la coustume de France et vsage près Paris, exceptés toutesfois les baronnies et forteresses, et droit d’autruy, et sauf l’entier seruice du seigneur supérieur, qui lui demeurera sur les parts appartenans aux hérétiques par titre de succession.
Item. — Nul hérétique croyant, encores qu’il soit réconcilié à l’Église, soit fait préuost, bailly, juge ou assesseur en jugement, ou receu lesmoing ou aduocat, et le
semblable du tout soit du juif, fors qu’il pourra estre tesmoing contre autre juif.
Item. — Nul hérétique vestu, ores qu’il soit réconcilié à l’Église, ayt licence demeurer en la ville, en l£^quelle il auroit conuersé durant sa peruerse profession, mais puisse habiter hors en tel lieu que le comte permettra.
Item. — Nul subjet dudit comte entreprenne en sa terre, sans son consentement, fortifier de nouveau aucune place, ou rédifier forteresse desmolie.
Item. — Les cheualiers catholiques naysde ceste terre, ayant jusques ici perséuéré en la foy, soient quittes, en faisant le seruice à leurs seigneurs, soit ledit comte ou autres, tels qu’ils doiuent faire à leurs propres seigneurs de ceste dite terre, auparauantque les croisés y vinssent. Mais ceux qui ont esté croyans aux hérétiques, seront tenus servir ledit comte et les barons à leur volonté.
Item. — Quiconques d’oresnavant, sans le sccu et vouloir dudit comte, conduira viures ou autres choses quelconques, ou quelques hommes, aux Tolosains, ou autres ses ennemis, et en sera confez ou conuaincu, perdra pour ce seul fait son héritage à lousiours, auecques tous ses autres biens; et si c’est vn sergent ou baillifqui l’ait faict sans la volonté et sceu de son seigneur, il confisquera tous ses biens, et son corps sera en la miséricorde dudit comte, et tous les hommes et choses prises en telle conduite seront à celuy qui les prendra sans diminution ne réclamation.
APPENDICE
Item. — Quiconques aura pouuoir prendre en la terre du dit comte les ennemis de la foy et les siens, et ne l'aura faict, s’il en est conuaincu, sa terre sera confisquée et son corps en la miséricorde dudit comte; autant sera de celuy qui les aura veus, n’aura voulu crier contr’eux et les poursuiure de bonne foy selon la coustume de ladicte terre.
Item. — Toutes les femmes des traistres et ennemis dudit comte sortiront de sa terre, encores qu’elles soient treuuées catholiques, à fin qu’aucune suspiction ne tombe sur elles, et néantmoins elles auront leurs terres et reuenus de leurs mariages, en jurant qu’elles n’en feront aucune part à leurs maris, tant qu’ils seront en guerre contre la cbrestienté et ledit comte.
Item. — Nulles vefues qui soient grandes dames ou héritières gentils-femmes, ayant forteresses et chasteaux, seoient si osées se marier à leur volonté, à hommes deccste terre, sans la licence dudit comte d’ici à dix ans, pour esuiter le péril qui en pourroit aduenir à ladicte terre, mais se marient à tels François qu’elles voudront sans congé dudit comte ne d’autres, et les dix ans passés, à qui bon leur semblera, soit François ou nay de ceste terre.
Donques ces coustumes générales cy-dessus escrites, moy Simon, comte de Licestre, seigneur de Montfort par la prouidence de Dieu, viscomte de Bésiers, Carcassonne, Alby et Rhodez, ay juré garder de bonne foy, et semblablement tous mes barons ont juré les garder, sauf le mandement et mélioration de saincte Église et de nos dits
APPENDICE
barons^ sauf aussi les conuentions et privilèges octroyés et confirmés par serment à aucuns lieux, et autres coustumes constituées, non contraires à ces présentes.
Fait à Pamiers, en nostre palais, le premier jour de décembre, l’an de l’incarnation Nostre -Seigneur mil deux cens et douze.
Les conséquences de cette affreuse tyrannie ne tardèrent pas à se faire sentir. Voici, d’après Simon de Montfort lui-même, quel était l’état des pays hérétiques , en l’an 1209. Dans une lettre au Pape, il demande à Innocent de vouloir bien le soutenir, pour deux raisons r « D’un côté, les seigneurs qui ont pris part à cette expédition m’ont laissé presque seul contre les ennemis de J. -G. qui errent parmi les montagnes et les rochers. De l’autre, je ne saurais gouverner plus longtemps, sans être aidé de votre secours et de celui des fidèles, un paya devenu extrêmement pauvre par le ravage qu'on y a commis. Les hérétiques ont abandonné une partie de leurs châteaux, après en avoir tout emporté ou les avoir détruits : ils conservent les autres, qui sont les plus forts, dans la résolution de les défendre. Il faut que je soudoie bien plus chèrement que je ne ferais en d’autres guerres les troupes qui sont avec moi , et à peine puis-je retenir quelques soldats en leur donnant une double paye. » {Histoire du Languedoc, III, p. 183.)
