SA

Item, je laisse a mon barbier

Les rongneures de mes cheveulx, Plainement et sans destourbier ; | Au savetier mes souliers vieulx, ‘ *

Et au freppier mes habitz tieulx \-.7° Que, quant du tout je les delaisse, Pour moins qu’ilz ne cousterent neufz Charitablement je leur laisse.

Item, je laisse aux Mendians,

Aux Filles Dieu et aux Beguines, Savoureux morceaulx et frians,

Flaons, chappons et grasses gelines, " Et puis preschier les Quinze Signes, Et abatre pain a deux mains.

Carmes chevauchent noz voisines,

Mais cela, ce n’est que du mains.

Item, laisse le Mortier d’Or

À Jehan, l’espicier, de la Garde, Une potence de Saint Mor,

Pour faire ung broyer a moustarde. A celluy qui fist l’avant garde

Pour faire sur moy griefz exploiz, De par moy saint Anthoine l’arde !

Je ne luy feray autre laiz.

Item, je laisse a Merebeuf

Et a Nicolas de Louvieux, ..

A chascun lescaille d’ung œuf, /. :

Plaine de frans et d’escus vieulx.

Quant au concierge de Gouvieulx, Pierre de Rousseville, ordonne, Pour le donner entendre mieulx, Escus telz que le Prince donne.

Finablement, en escripvant,

Ce soir, seulet, estant en bonne, Dictant ces laiz et descripvant, J’oïs la cloche de Serbonne,

Qui tousjours a neuf heures sonne Le Salut que lAnge predit ;

Si suspendis et mis cy bonne Pour prier comme le cuer dit.

Ce faisant, je m’entroublié,

Non pas par force de vin boire, Mon esperit comme lié ;

Lors je sentis dame Memoire Reprendre et mettre en son aumoire Ses especes collateralles, Oppinative faulce et voire,

Et autres intellectualles,

Et mesmement l’estimative, * “ 1° Par quoy prospective nous vient, 4.

Similative, formative, "Te l.8+ .

Desquelz bien souvent il advient Que, par leur trouble, homme devient Fol et lunatique par mois :

Je lay leu, se bien m’en souvient,

En Aristote aucunes fois.

jm 16 —

Dont le sensitif s’esveilla

‘ | Etesvertua Fantasie,

Qui tous organes resveilla,

Et tint la souvraine partie

En suspens et comine amortie Par oppression d’oubliance

Qui en moy s’estoit espartie Pour monstrer des sens laliance.

Puis que mon sens fut a repos Et l’entendement demeslé,

Je cuidé finer mon propos ; Mais mon ancre trouvé gelé Et mon cierge trouvé soufflé ; De feu je n’eusse peu finer ;

Si m’endormis, tout enmouflé, Et ne peu autrement finer.

Fait au temps de ladite date Par le bien renommé Villon, Qui ne menjue figue ne date.

Sec et noir comme escouvillon, Il n’a tente ne pavillon

Qu'il n’ait laissié a ses amis, Et n’a mais qu’ung peu de billon Qui sera tantost a fin mis. N