LE QUINT TESMOING

Et ce dit jour, heure de nuyt, Sans tenir Digeste ne Code , Fut oùy , cestuy qui s'ensuit , Par nous derrière une custode :

Godeffroy d' Arrachasse brode , (1) Escuyer à la vieille mode , Homme d'arme par toutes voyes, Aagé comme ime vieille gode , Fort et puissant comme ung Herode Pour esgossiller grosses oyes , Grant gênerai de morte payes.

Tenant à ferme vieilles brayes , Résidant au hault et au loing , Concierge de buissons et de hayes, Et maistre des faulces monnoyes Qui sont forgées à double coing , Produit et otiy pour tesmoing , Cessant toute suspition , Jure , comme il estoit besoing :

Nous dit sa déposition.

Et premièrement qu'environ Dix ans a , ledict déposant Congneut la Simple et le mignon , Et la Rusée semblablement ;

Et , jamais ne fut si enfant Qu'il n'ouyst racompter tousjours Que la Rusée principallement Se mestoit d'aymer par amours « Et qu'elle sçavoit tant de tours , Tant de ruses , tant de blason , Qu'elle entretenoit les plus gourdz Et leur faisoit bien leur i*aison.

Examiné si ce mignon Est à la Simple ? — Et , se ainsi est , Qu'il nous dedaire assavoir mon S'il vient de propre ou de conquest. S'il vient de naissance ou d'acquest , S'il vient d'apport ou de douaire , Comme elle Va eu , et que c'est , Et que tout ce cas nous dedaire ?

— Respond qu'il y a grand mystère , Et que la Rusée , ce dit-on , Avoit jadis une conunere Appellée la grant Alison :

Laquelle tenoit ce mignon Et l'entretint longtemps ,'et Teust , Comme on dit , par succession De sa feu tante qui mourust ; (1) De laquelle tante elle fust Héritière , comme est notoire , Et , comme depuis on congneust , Par bénéfice d'inventoire :

Et tous les biens mis par mémoire , Deducto aliéna jure.

On treuve que de reste encoire Ce mignon luy est demeuré , Et qu'elle l'a longtemps aymé ,

Et faîct maintes bonnes chosettes , Entretenu , bavé , galle , Avec plusieurs œuvres secrettes , Et en faisant ces besongnettes, (1) Ainsi qu'on ne se doubte pas :

Après toutes aultres sornettes Elle alla de vie à trépas Sans hoirs , héritiers , ou parens ; Entre lesquelz ce gorgias Demeura tout seul, sur les rens :

Et fut doncques, par ces moyens , Sans y mettre aulcuns contreditz , Comme les autres biens vacans , In bonis hœreditatis.

Et pourtant non dnbitctis, Quod quœcunque acqiiirebat , Ante adventum hœredis , llereditati quœrebat; Et sic iilud concernebat Ilœrcdes post ea factos.

Au fort laissons tout ce débat , Et venons à nostre propos :

Ledict déposant en brefz motz Nous dit que le Roy succéda A ses biens vacans tout en gros , Et ledict mignon posséda.

Toutesfoys depuis il laissa Toute ceste succession A Tanneguy de Baillera, Qui estoit son grant eschansson.

Peu de temps après le mignon Impetra d'iceluy Seigneur Lettres de manumission , Soubz umbre de quelque couleur

Qu il estoit ung bon serviteur r Et fut, par bien jouer du plat, Par ses lettres et leur teneur (1) Remis en son premier estât.

Et estoyent les lettres d'ung dat Dattées en formes d'escrouë , Escript dessus ung grant /î/i/^ (2) Signé maistre Jehan Tortemouë , Présent Olivier Patte-d'ouë , (3) Yvonnet d'Empoigne-clicaille, Maistre Her\é de Crocque-pouë Secrétaire de basse taille ; Et lesdictes lettres sans faille , (A) Bien et deuëment interinées Par Monseigneur Vaille-que-vaille , Juge de grasses matinées.

Or laissons toutes ces traînées.

Examiné après, comment La Simple , par quelz destinées , Peult avoir le gouvernement Du mignon ? — Dépose briefvement (5) Que , après qu'il fust à devis , Comme dit a esté devant , Il alla gaudir à Paris Et hanta tous legiers espritz , Gorgias, enfans de plaisance, Et eut par telz charivariz De la Simple grant congnoissance.

Or par vertu de l'acointance Et de sa gorgiaseté , Une secrette intelligence Les mist en grande privaulté.

Depuis par amours ont hanté Souvent Fung l'autre ; ilz se trouvèrent

Eux deux il une voulenté.

Vêla comment ilz s'entraymerent ; Et tousjours si bien s'accordèrent Sans couroucer , ne rechigner , Que je cuyde qu'ilz besongnerent Ainsi qu'il falloit besongner.

Et ce mignon , pour abréger , Pour la rémunération Des biens faitz , se veult obliger Et mettre en la subjection De ceste Simple , ce dit-on.

Et depuis fut abandonné A elle : ainsi faict pactum Westium traditione.

Item usurpatione , Elle en acquist la seigneurie :

Car elle en a joûy et usé Dudict mignon toute sa vie.

Au regard de la baterie , Et aussi sur les aultres pointz , Dépose de la broûillerie Comme on faict les autres tesmoingz :

Et ce dict tout, ne plus ne moins. (1)