BILLET DE MADAME DE 8AINT0T A MONSIEVR DE VOITVRE
le vous ay promis pour Galant à deux belles Dames de mes amies. le m'asseure que vous ne trouuerez pas cette entreprise-là trop grande : et ie sçay bien que vous dégagerez ma. parole, aussitost que vous les aurez veuês.
RE8P0NSE DE MONSIEVR DE VOITVRE.
LETTRE LXXVII
Faites-moy voir le plustost que vous pourrez ce que j'ayme. Car, sans mentir, j^en meurs d^impatience : et puis que vous m'aaez obligé d*aimer, faites aussi que ie sois aimé. l'ay pensé toute la nuit aux deux personnes que vous sçauez. l'escris ce Poulet à Fvne d'elles. Donnez-le, ie vous supplie, à celle des deux que vous croirez que j'aime le mieux. En reconnoissance des bons offices que vous me rendez, ie vous asseure que vous disposerez tousiours de mes affections, et que ie n'aimeray iamais personne autant que vous, que lors que ie croiray que vous le voudrez tout de bon.
A VNE MAISTBESSE INCONNVE.
LETTRE LXXYUI.
Il n^ eut iamais vue inclination si extraordinaire, ni si étrange que celle que j'ay pour vous. le ne sçay du tout qui vous estes : et de ma vie, que ie sçache, ie ne vous ay seulement ouy nommer. Cependant ie vous asseure que ie vous aime, et qu'il y a déjà vu ionr que vous me faites souffrir. Sans auoir iamais veu vostre visage, ie le trouue beau : et vostre esprit me semble agréable, quoy cpie ie n'en aye iamais rien ouy dire. Toutes vos actions me rauissent : et ie m'imagine en vous ie ne sçay quoy, qui me fait aimer passionnément, ie ne sçay qui. Quelquefois ie me figure que vous estes blonde, et d'autrefois que vous estes brune; tantost grande, tantost petite , auec vn nez aquilin, ou auec vn nez retroussé. Sous toutes ces formes où ie vous mets, vous me paroissez tousiours la plus aimable chose du monde : et sans sçauoir quelle sorte de beauté vous auez; ie iurerois que c'est la plus aimable de toutes. Si vous me connoissez aussi peu, et que vous m'aimiez autant : j'en rends grâces à l'Amour et aux estoilles. Mais afin que vous ne soyez pas trompée, et qu'en cas que vous m'imaginiez vn grand homme blond , vous ne soyez pas surprise en me voyant : le vous veux dire à peu prés comme ie suis. Ma taille est deux ou trois doigts au dessous de la médiocre. Fay la teste assez bc'lle, auec beaucoup de cheueux gris; les yeux doux, mais vn peu esgarez : et le visage assez niais. En recompense , vne de vos aniies vous dira, que ie suis le meilleur garçon du monde, et que pour aimer en cinq ou six lieux à la fois, il n'y a personne qui le fasse si fidèlement que'moy. Si vous pouuez vous accommoder de tout cela , ie vous l'offriray à la première veuë. En attendant ie penseray en vous , sans sçauoir en qui ie pense : et quand on me demandera pour qui ie soupire, n'ayez peur que ie le déclare , et soyez asseurée , que ie ne diray iamais rien de vous.
