SVR LE MESME SVIET DES PRECEDENTES

Lors qu'auecque deux mots, que vous daignastes dire , Vous sçeustes arrester mes peines pour iamais ; Et qu'après m'auoir fait endurer le martyre, Vous m^ouuristes les Gieux, et me mistes en paix :

Mille attraits, dont encor le souuenir me touche , Couurirent à mes yeux vostre extrême rigueur : Tous les charmes d^Amour furent sur vostre bouche, Kt tous ses traits aussi passèrent en mon cœur.

DE MONSnSVR DE VOITVRE. 473

Vous pristes tout à coup une beauté nouuelle^ Toute pleine d'éclat, de rayons, et de feux. Bons Dieux ! hà que ce soir mes yeux vous virent belle, Et que vos yeux ce soir me virent amoureux 1

Le Pasteur qui iugea les trois Déesses nues. Ne vit point à la fois tant de charmes secrets, De diuines beautez, de grâces inconnues. Que l'en vis éclatter en vos moindres attraits.

le croy qu^en ce moment la Reyne de Cythere , Sans pas vn de ses fils se trouua dans les Gieux ; Et que tous les Amours abandonliant leur Mère , Estoient dedans mon ame, ou bien dedans vos yeux.

Ils brilloient dans vos yeux, et brusloient dans mon ame, Perçant d^vn si beau feu les ombres d'alentour. Que ie viuois heureux au milieu de la flame ! Et que i'auois defioye aussi bien que d'amour!

Depuis, ils ont tousiours gardé la mesme place, Admirant vos beautez et mon extrême foy : Et quoy que vous faciez, Amiute, ou que ie face, le les vois tous en vous, et ie les sens en moy.

Eux qui faisoient brusler le Ciel, la Terre et POnde , Auecque tous leurs feux embrasent mon désir : Et laissent en repos tout le reste du monde , Pour me faire la guerre auec plus de loisir.

Tandis qu'ils vont doublant mes peines rigoureuses, Tous les autres captifs ont du soulagement : Et l'air n'est plus troublé de plaintes amoureuses. De pleurs, ni de regrets, que par moy seulement.

Echo ne languit plus d'une flame inutile , Daphné ne brusle plus le bel Astre du iour : Et si le cours d'Alphée est encore en Sicile , Ce n'est que par coustume, et non pas par amour.

Diane aux yeux de Pan n'a plus rien d'estimable, Neptune n'ayme plus les Nymphes de la mer :

Et comme en l'Vniuers vous estes seule àymable^ le suis le seul aussi qui sçache bien aymer.

STANCES