VII. Or quant à Fabius, il s'apperceut bien des la nuict

30 mesme que c'estoit une ruze de Hannibal, pource que quelques uns des bœufs, ainsi qu'ilz s'en fuyoyent ça et là, tumberent entre ses mains : à l'occasion dequoy, craignant de tumber en quelque embusche pour les ténèbres de la nuict, il teint ses gens en bataille sans

2$ autrement bouger ny faire bruit, et le matin si tost que le jour commencea à poindre, se meit à suyvre son ennemy à la trace, donnant sur la queue, et escarmouchant les derniers dedans les destroits des montagnes, de manière qu'il meit tout l'ost des ennemis en desarroy,

30 jusques à ce que Hannibal envoya de l'avantgarde quelque nombre d'Espagnolz, hommes légers et dispos,

12 D: fuyr — 37 A: escarmoachant contre les derniers

accoustumez de gravir aux montagnes, lesquelz venans à charger les Romains armez de pesantes armes en tuèrent plusieurs, et feirent retirer Fabius : lequel en fut adonc encore bien plus mesprisé et blasmé que devant, pource 5 qu'il avoit tousjours monstre de ne vouloir point à force ouverte combatre Hannibal, ains le miner et desfaire par astuce et prudence, en quoy il se trouvait luymesme abusé et affiné par luy. Davantage Hannibal voulant enflammer encore plus l'ire et le courroux des Romains contre

lo luy, quand il approcha de ses terres, commanda que Ion bruslast et gastast tout à l'environ, mais que Ion ne touchast aucunement aux sienes, et y meit expressément des gardes pour empescher que Ion n'y prist rien, et que Ion n'y feist aucun dommage. Cela fut rapporté à Rome, qui

iS aggrava bien encore plus le mescontentement que Ion avoit de luy : joinct que les tribuns du peuple ne cessoyent de crier contre luy es harengues qu'ilz faisoyent devant le peuple, à la suscitation d'un Metellus principalement, non pour inimitié qu'il eust encontre Fabius,

20 mais pource qu'il estoit parent de Minutius, maistre de la chevalerie, et estimoit que la mauvaise opinion que Ion prendroit de l'un, tourneroit à la louange et à l'avantage de l'autre. Le sénat mesme estoit courroucé contre luy pour l'accord qu'il feit avec Hannibal, touchant les

25 prisonniers de guerre : car il accorda que Ion eschangeroit les prisonniers en rendant homme pour homme, ou bien • deux cents cinquante drachmes d'argent pour chasque teste, si les uns en avoyent plus que les autres. Quand l'eschange eut esté ainsi fait, il se trouva que Hannibal

30 en avoit encore de reste deux cents quarante Romains*