P. 6] SONETTO

Muse assidet' alla sonora tromba, Che canta le virtud', e gV ait" honori Delli poeti, che fur inventori Del poema vulgar', tratti di tomba

Bal poeta moderno, che rimbomba L'odir si al mondo di gesti, e splendori Di ré, regine, principi, e signori.

Che'l spirito d'ognun stupisce, e ingomba.

Font' flelicona, Caval Pegaseo, Ninfe gentili, snelle, e leggiadrette FavoriteV ogri hor con tutf ilcuore.

Venere dolce, Amor con le saette, Sforzaf ognur" à fargli grand' honore, Acciôche nel bel dir porl'il Trofeo.

? ^rc^ ,f/f 2 «-^ / ^v%

[P. 7] PROESME AU LECTEUR .S.

Les vies de nos poètes provençaux ont esté recueillies de plusieurs anciens autheurs, grands et excellens personnages, qui ont escript en nostre langue provençalle, et mesmes du Monge des Isles d'Or, et de Hugues de Sainct Cesari, qui ont fait le Catalogue, et compillé leurs oeuvres, vies et coustumes en celle mesme langue, desquels je me suis aydé en ce recueil, comme aussi j'ay fait des oeuvres du Monge de Montmajour, qu'aucuns ont surnommé lou Flagel dels Trobadours, c'est à dire le fléau des poètes, parce que il a escript contre eux, et de plusieurs autres autheurs, aucuns desquels tesmoignent de combien nostre Pro-[P. 8]-vence a esté anciennement renommée, pour le grand nombre des poètes qu'en sont sortis par grandes troupes, tellement que pour raison de ce l'ont appellée la Boutiqua dels Trobadours. Qui eut peu recueillir tout ce qui se trouve de leurs œuvres, desquelles l'un en a un cayer, Pautre la moitié, et l'autre toute une pièce, on en feroit un volume aussi gros que l'Illiade d'Homère : me suffit seulement remonstrer après Dante en sa "Vulgaire Eloquence, Pétrarque, Cynno de Pistoya, Guydo Cavalcanti, Bocace, Bembe, Mari Equicola, le Courtizan, Jean des Gouttes, traducteur de l'Arioste; l'autheur de la Grammaire françoise italienne , l'Esperon Esperoin , Ludovico Dolce, en son Apologie, et plusieurs autres tant an-

ciens que modernes escrivains tuscans, lesquels afferment que la langue provensalle a esté grandement célébrée par un nombre [P. 9] infiny de nos poëtes provensaux, qui ont vescu plusieurs et divers siècles, et escry beaucoup avant les poëtes tuscans en leur langue maternelle. La principale félicité et aornement de laquelle a esté anciennement la multitude des poëtes et autres excellens personnages qui ont escry en icelle langue, laquelle n'a duré plus haut que de deux cent cinquante ans, ou environ, commenceant depuis l'an 1162, qui fut du temps que Frideric premier du nom empereur inféoda la Provence à Remond Berenguier,qu'avoit espouséRixende, ouRichilde,sa niepce, royne des Espagnes, jusques à la fin du règne de Jehanne première du nom, royne de Naples et de Sicille, comtesse de Provence, que fut environ l'an 1382, qui les aimoit et prisoit, et leur monstroit de grandes faveurs, à l'imitation de ses prédécesseurs, roys de Naples, comtes de [P. 10] Provence, issue de la maison de France. Mais defaillans des Mecenas, défaillirent aussi les poëtes ; car, du temps de Loys premier, fils de Jehan, roy de France, qui succéda à ladite Jehanne, et par elle adopté esdits royaumes de Naples et de Sicille, et comtez de Provence, Forcalquier et terres adjacentes, et de Loys deuxiesme, et troisième, on ne trouve point qu'aucuns d'eux fussent amateurs des poëtes, à tout le moins que j'aye encores veu, ne trouvé par escrit, fors que le roy René, fils du dit Loys deuxiesme, qui fut prince bénin, remply de toutes vertus, amateur des personnes doctes et vertueuses. Il se trouve par escript que les empereurs, roys et autres grans personnages de toute nation, en faisoyent entière profession, comme de chose rare et grandement recommandée : j'appelle en tesmoings les deux Friderics premier et deuxiesme, empe-[P. ll]-reurs, Richard, roy d'Angleterre, les comtes de Poictou, de

Thoulouse et de Provence, la comtesse de Die, les seigneurs des Baulx, de Sault, de Grignan, de Castellane, de Provence, et plusieurs autres grands personnages, qui, de leurs temps, ont travaillé à l'enrichissement d'icelle. Le cardinal Bembe, grand personnage de son temps, en ses proses a escrit que les premiers poètes rithmeurs qui ont escript en langue vulgaire maternelle, ont esté les Provensaux, et, après eux, les Tuscans, dit aussi qu'il n'est à douter que la langue tuscane n'aye plustost pris la façon de rithmer des Provensaux que de nulle autre nation. L'Esperon Esperoin, en son dialogue intitulé Des langues, auquel Monsieur Lascar, l'un des entreparleurs, se plaignant que sa langue italienne est manque en déclinaison des noms, les verbes sans conjugaison, sans participes et sans au-[P. 12]-cune bonne propriété, dict qu'elle monstre en face avoir pris son origine et accroissement des Provensaux, desquels non seulement leur sont dérivez les noms, verbes et adverbes, mais encor l'art oratoire et poétique. Le seigneur Loys Dolce, en l'Apologie qu'il a faicte contre les détracteurs de TArioste, sur ce qu'il a esté le plus renommé poëte de tous les Tuscans, encor s'est il voulu ayderde beaucoup de voix et parolles du provensal, ainsi qu'ont faict les autres poètes tuscans. Mais de quoy ont enrichy leur langage et pris leurs inventions Dante, Pétrarque, Bocace et autres anciens poètes tuscans, fors que des œuvres de nos poètes provensaux? Je m'en rapporte aux commentaires du Landin, du Villutel, du Gezualde et autres grands personnages renommez, qui ont escript sur les œuvres de ces poètes. Je puis asseurer vrayement avoir veu [P. 13] et leu deux grands tomes divers escripts en lettre de forme sur parchemin illuminez d'or et d'azur, qui sont dans les archifs du seigneur comte de Sault, ausquels sont descrites en lettre rouge les vies des poètes proven-

saux ( qu'ils nommoyent Troubadours ) et leurs poésies en lettre noire, en leur idiomat, en nombre de plus de quatre vingts, tant hommes que femmes, la pluspart gentilshommes et seigneurs de places, amoureux des roynes, impératrices, duchesses, marquises, comtesses et autres princesses et gentilsfemmes , desquelles les maris s'estimoient grandement heureux quand nos poëtes leur addressoyent quelque chant nouveau, en nostre langue provensalle. La plus honorable recompense qu'on pouvoit faire ausdicts poëtes estoit qu'on leur fournissoit de draps, chevaux, armures et argent, pour raison de quoy bien souvent ils attri~[P. 14]-buoyent leur poëme à leurs Mecenas et à ceux qui leur faisoyent honneurs et faveurs. Les poëtes se nommoyent Trobadours, c'est à dire inventeurs ou poëtes, lequel mot de troubadour le Vilutel en l'exposition du 4. chapitre du Triomphe d'Amour de Pétrarque, l'a voulu translater Trompatori pour un sonneur de trompette, pour n'avoir peu entendre le mot de troubadour : quelquesfois on les a nommez Violars, pour sonneurs de violons; quelquesfois Juglars, pour sonneurs de flustes; Musars, pour musiciens ou sonneurs d'instrumens musicaux, et Comics, pour comiques. Les rithmes qu'ils ont faictes et composées les ont nommées chant, chantarel, chanson, son, sonnet, vers, mot, comedia, satyra, syrventez, tensons, layz, depports, soûlas et autres. Ils ont aussi faict de pastorellas et plusieurs autres rithmes, telles [P. 15] qu'on trouve aux œuvres desdits poëtes tuscans, toutes d'un grand artifice. Quant aux syrventez, c'estoit une façon de rithme satyrique, ainsi que le descript Jehan le Maire de Belges au premier livre de ses Illustrations de Gaule, en la célébration des nopces du roy Pelleus et de la belle nymphe Thetis, et en la description de son Temple de Venus. Lesdits syrventez contenoyent aigres reprehensions des vices des

empereurs, roys, ducs et autres grands seigneurs, et contre l'hypocrisie des gens d'Eglise et contre les tyrans. Les tensons estoyent disputes d'Amours qui se faisoyent entre les chevaliers et dames poëtes, entreparlans ensemble de quelque belle et subtille question d'amours, et où ils ne s'en pouvoyent accorder, ils les envoyoyent pour en avoir la diffinition aux dames illustres présidentes, qui tenoyent Cour d'Amour ouverte et [P. 16] planiere à Signe et à Pierrefeu, ou à Romanin, ou à autres, et là dessus en faisoyent arrests, qu'on nommoit lous Arrests d'Amours. Les poëtes qui faisoyent les mots et le son ( qu'estoit la note musicalle de la parolle ) estoyent les plus estimez, et plus prisez que les autres. Le dict Richard, roy d'Angleterre, pour la douceur qu'il trouva en nostre langue provensalle, fist une chanson en celle mesme langue, qu'il addressa à la princesse Stevenette, femme de Hugues des Baulx, fille de Gibert deuxiesme, comte de Provence. Frideric premier du nom, empereur, ayant ouy reciter plusieurs belles chansons aux poëtes provensaux qu'estoyent à la suite de Remond Berenguier dict le Jeune, quand il luy inféoda la Provence, fist un bel epigramme en nostre langue provensalle, à la louange de toutes les nations qu'il avait suivies en ses victoires : d'entre lesquelles il loue [P. 17] lou cantar provensallez, entendant des poëtes et de leurs rithmes. Regardez (je vous prie ) de quelle grâce est faict l'epitaphe du comte Remond de Thoulouse, acusé d'heresie. En l'église Saint Sauveur d'Aix, et par tout son diocèse, à la feste et jour sainct Estienne martir, on chante un hymne en nostre langue provensalle, Quand ly félons lou lapidavan. De quelle sorte et taille de rithmes sont faicts les septPseaumes penitentiaux, par ceux qui vont mendiant les aumosnes par les portes, qu'on ne sçauroit trouver une plus belle rithme ? Mais de quel langage beau et aorné sont faicts les statuts de

Provence en nostre langue provensalle, qui sont les loix et coustumes du pays, ausquels sont comprinses les requestes et demandes qu'on faisoit aux assemblées generalles des trois Estats aux comtes de Provence, roys de Naples et de Sicille, a- [P. 18]-vec les responces faictes per lous Majestats. Et comme ainsi soit que toutes choses sont sujettes à changement, nostre langue provensalle s'est tellement avallée et embastardie que à peine est elle de nous, qui sommes du pays entendue, ainsi que le recite le seigneur Baltazar de Castillon en son Gourtizan : parce qu'elle estoit meslée en partie de termes françois, espagnols, gascons, tuscans et lombards, il est aisé à veoir qu'elle devoit estre l'une des plus parfaictes et meilleures langues de toutes les vulgueres* et qu'ainsi soit, on trouve plusieurs livres traduits en nostre langue provensalle, tant en prose qu'en rithme, desquels j'en ay une infinité, sans une grande partie de vies de saincts et sainctes, tant en prose qu'en rithme, que j'ay veu en plusieurs parts, et d'autres beaux livres que j'avois ramassez çà et là, escripts en lettre de main, tant en la-[P. 19]-tin, françois que provensal, et mesmes les œuvres desdits trois Monges, qui me furent desrobez et pris au temps des ttroubles de 1562. Mais combien en y a il de cachez parmy les libraries des monastères, convents, églises, et dans les archifs des maisons nobles de ce pays et d'autres maisons particulières, meslées parmy leurs papiers et documens, qui les ignorent et n'en tiennent compte? Il n'y avoit maison noble en Provence qu'elle n'eust un registre, en forme de romant, auquel estoyent descripts les hauts faicts et gestes de leurs ancestres en langage provensal, estans à la suite de nos comtes de Provence, qui furent roys de Naples, de Jérusalem et Sicille, aux conquestes par eux faictes pour le recouvrement desdits royaumes et comtez, et de la cité d'Arles,

des comtez de Nice, de Piedmont, de Forcalquier, et des terres [P. 20] Baussenques, des vicomtez de Marseille, d'Yeres, de Vintimille, de Tende, contre certains occupateurs injustes d'icelles et des royaumes deNaples, Sicille, Aragon et autres, et pour remettre les rebelles du pays à leur obéissance, et pour en dechasser à vive force d'armes Charles de Duras dict de la Paix, invaseur desdicts royaumes de Naples et comté de Provence, et contre Remond Roger dict de Tourenne et autres ennemis perturbateurs du repos public : dont les uns furent hautement ennoblis et décorez de la ceinture militaire, et les autres richement recompensez de plusieurs places, terres et seigneuries de grands revenus. Aucuns de ces nobles maisons ont aymé et prisé lés gens doctek, et en ont honnoré plusieurs en toutes sortes de sciences, et les autres se sont plustost addonnez au vin et à la paillardise qu'aux lettres, si que leurs faicts sont [P. 21] demeurez ensepvelis. JJay donc mis les vies de nos poètes provensaux en avant, lesquelles m'ont semblé dignes de n'estre ignorées, pour la diversité et grand nombre des maisons nobles dont elles traictent,et aussi parce qu'elles parlent sommairement des choses plus remarquables de Testât de Provence selon les années, desquelles je m'en suis aydé en mon Histoire de Provence, par moy faicte et imprimée à part. Je veux advertir le lecteur qu'il cognoistra en confrontant les vieux livres, desquels j'ay pris et recueilly ces vies, que j'ay usé du meilleur langage qu'il m'a esté possible, eu esgard à la corruption et difficulté du langage provensal : je les ay aussi rengées et mises en leur ordre, selon les années, et souz quelz de noz comtes ils flourissoyent. Sera aussi le lecteur adverti que je parle seulement de noz poètes provensaux, qui ont escri en nostre langue : [P. 22] et quant aux autres qui ont escript en latin en toutes autres facultez et sciences, je m'en

remets à ce qu'en a escript Remond de Soliers, jurisconsulte d'Aix, en ses Commentaires des antiquités de Provence, à l'instante requeste duquel, ensemble du seigneur Scipion Cybo, gentilhomme de Gennes, et de Jean Judici, aussi jurisconsulte delà ville de Massa en Lunigiane, et de M. Léonard Cosme, advocat en la cour de parlement de Provence, hommes de bon jugement, j'ay produit en lumière, en espérance de faire chose qui puisse donner plus grand contentement au lecteur, si Dieu m'en donne la grâce.

[P. 23] DE JAUFRED RUDEL

Jaufred Rudel, gentilhomme, fut sieur de Blieux en Provence, bon poëte provensal, facille en sa romanserie. En sa jeunesse se retira à Agoult, sieur de Sault, qui l'entretint longuement. Le comte Geoffroy, frère de Richard, roi d'Angleterre, passant par la Provence, en visitant Agoult, fut amoraux des vertus de ce poëte, pour les belles et plaisantes chansons qu'il chantoit en sa présence et à la louange de son maistre. Agoult, voyant l'affection du comte, le pria retenir le poëte à son service, lequel il accepta et receut fort humainement ; et se tint avec luy un long temps, chantant à l'honneur de ses deux seigneurs et maistres. Le poëte, aiant oyu parler des vertus de la comtesse de Tryppoly et de sa doctrine par quelques pèlerins qui venoyent de la Terre Saincte, en devint amoreux, à la louange de laquelle feist de fort belles chansons. Ayant estépoinct au(t) coeur de la voir, print congé du comte Geoffroy, jasoit qu'il s'essayast de tout son pouvoir le désister [P. 24] de ceste pérégrination, se meist sur mer en habit de pèlerin, durant son voyage fut saisi de griefve maladie, tellement que ceux de la nef, cuydans qu'il fut mort, le vouloyent getter en mer. Et en cest estât fut conduit au(t) port de Tryppoly, et la arrivé, son compagnon feist entendre à la comtesse la venue du pèlerin malade ; la comtesse estant venue en la nef, print le poëte par la main, et luy, sachant quec'estoit la comtesse, incontinent après le doulx et gracieux acueil, recouvra ses esprits, la remercia de ce que elle lui avoit recouvré la vie, et luy dict: Très illustre et vertueuse

princesse, je ne plaindray point la mort ores que Et,

ne pouvant achever son propos, sa maladie s'aygrissant et augmentant, rendit l'esprit entre les mains de la comtesse,

qui le feist mettre en riche et honorable sépulture de porphire, et luy feist engraver quelques vers en langue arabesque, que fut en l'an 1562\ auquel temps il florissoit. La comtesse, estant troublée de la mort si soubdayne, ne fut jamais veue faire bonne chère. Son compagnon, nommé Bertrand de Allamanon, qui fut chanoyne de Sylvecane, luy recita les vertus du poëte et la cause de sa venue : à laquelle il feist présent de toute la poésie etromanseriequ'ilavoit[P.25]faicte à sa louange, qu'elle feist transcrire en belle lettre d'or. On dict qu'elle avoit espousé le comte de Tryppoly, que fut cause de la perte de Hierusalem, que Saladin gaigna sur les Chrestiens. En l'une de ses chansons, il demonstre bien que ses amours estoyent loingteines: car en faisant son voyage, craignant de ne pouvoir parler à la comtesse de Tryppoly, quand il y seroit arrivé, et que ce luy seroit une extrême douleur s'en retourner d'un si long et périlleux voyage, dict ainsi:

Irat et dolent m'en partray, S'yeu non vey est'amour de luench.

E non say qu'ouras la veyray, Car son trop no stras terras luench.

Dieu que fes tout quant van, e vay, E form'aquest' Amour luench, My don poder al cor, car hay Esper, vezer l'Amour de luench.

Segnour, tenés my per veray L'Amour qu'ay vers ella de luench.

Car, per un ben que m'en esbay, Hay mille mais, tant soy de luench.

Ja d'autr' Amours non jauziray S'yeu non jau dest' Amour de luench, Qu'na plus bella non en say En luec que sia, ny près ny luench.

Le Monge des Ysles d'Or, au Catalogue [P. 26] qu'il a faict des poètes provençaux, faict mention d'un dialogue d'entre Gérard et Peyronet, entreparlans ensemble, par lequel est meue une question, assavoir mon, qui ayme plus sa dame ou

1 Sic. Faute d'impression, pour 1162.

absente, ou présente, et qui induict plus fort à aymer, ou les yeux ou le cœur. Et après avoir amené plusieurs bonnes raysons et exemples, et mesmes la piteuse hystoire de ce Jaufred Rudel, disant en l'une des coupples en telle substance : Tout homme de bon jugement cognoit bien que le cœur a seigneurie sur les yeulx, et que les yeulx ne servent rien en amours si le cœur ne le sent, et sans les yeulx le cœur peult franchement aymer la chose qu'il n'a jamais veue, ainsi que feist Jaufred Rudel de Savoye, il ameyne aussi un autre exemple de André de France, qui morut par trop aymer1: finalement, voyant que ceste question estoit haulte et difficile, ilz l'envoyèrent aux clames illustres tenans Cour d'Amour à Pierrefeu et à Signe, qu'estoit cour planiere et ouverte, pleine d'immortelles louanges, aornée de nobles dames et de chevaliers du pays, pour avoir détermination d'icelle question. Les dames qui presidoient a la Cour d'Amour de ce temps estoient celles cy:

[P. 27] Stephanette, dame des Baulx, fille du comte de Provence, Adalazie, vicomtesse d'Avignon, Adalete, dame d'Ongle, Hermyssende, dame de Posquieres, Bertrane, dame d'Urgon, Mabille, dame d'Yeres, La comtesse de Dye, Rostangue, dame de Pierrefeu, Bertrane, dame de Signe, Jausserande, de Claustral.

Ce poëte a mis par escript la Guerra de Tressin, prince dels Sarrazins, contra lous reis d'Arles. Hugues de Sainct Cesari, qu'a faict aussi le cathalogue des poètes provensaulx, qui vint longtemps après le Monge des Isles d'Or, lequel j'ay suyvi presque de mot a mot, recite aussi ceste piteuse hystoire. Et le Monge de Montmajour, qu'a faict une chanson contre tous les poètes provensaulx, surnommé le fléau des poètes proven-

1 A la marge: « Andréas de France qui morut pour trop aymer celle qu'il n'avoyt james veue. »

saulx, dict que ce Rudel poëte estoit ung homme rude, ung gavot des montagnes, ennemy de toutes les dames, et amoureux de lentes1. Quant au romant de cest André de France, il n'est encores parvenu en nos mains.

(F0 7 v° ) DE JAUPRED RUDEL 2

Jaufred Rudel, gentilhomme, seigneur de Blieux et bon poëte prouvensal et grandement facile en sa romancerie, en sa jeunesse se retira à Agoult, seigneur de Sault, qui l'entretint longuement. Le comte Jaufred, frère de Richard, roy d'Angleterre, passant en Provence, en visitant Agoult, seigneur de Sault, fut amoreux de Jaufred Rudel, quoy voyant son maistre, l'ayant proveu de robbe, d'harnoys et d'ung bon courtaut et d'argent, le meist au service du comte Jaufred, avec lequel demoura longtemps, chantant à l'honneur d'Agoult et du comte Jaufroy. Quelque temps après, ayant ouy dire tant de bien de la comtesse de Trypoly, en devint amoureux, à la louange de laquelle feit de moult belles chansons, et, ayant esté poing au cœur de désir de laveoir, print congé du comte Jaufred et se mist sur mer en guyse de pèlerin. Durant son voyage fut saisi d'une grosse maladie, tellement que ceulx de la nef, cuydant qu'il fut mort, le vouloient geter en mer. Et en cest estât fut conduict en Trypoly, et là arrivé, son compagnon fit entendre à la comtesse la venue du pèlerin malade, et estant venue en la nef, print le poëte par la main, et luy, sachant que c'estoit la comtesse, incontinent après les doulx et gracieux accueils, recouvra ses esprits et la remercia de ce qu'elle luy avoit recouvert la vie, mais peu après trespassa entre les bras de la comtesse, qui le fît mettre en riche et honorable sépulture de marbre, et lui feit graver quelques vers en langue arabesque, et depuis estant escandalizée de telle mort si soubdayne, ne fut jamais veue faire bonne chère. Son compagnon lui recita les vertus et le sçavoir de ce poëte et la cause de sa venue, et luy feit présent de toute la poésie et romancerie qu'il avoit faict à la louange de la comtesse. En une de ses chansons démontre au vray que son amour estoit de loing, qui se commence ainsi :

Lan quand los jours son longs en may.

En chaque coplet, il use de ce vers :

My membra d'ung amour de luench.

1 Sic. Lis. toutes.

2 En marge : 1104.

Item: Dieu que fes tout quant ven et vay

E form 'aquesta amour de luench.

Item: Beu teu' lou segnour per veray

L'amour qu'ay vers ella de luench.

Item : E si ly plas m'albergaray

Près d'ella, si ben soy de luench .

Item : Ja d'autr'amor non jauziray,

Si non jau d'est'amor de luench.

Item la couble finale dict ainsi :

Yrat e dolent m'en partray,

S'yeu non vey est'amor de luench,

E non sçay quouras la veyray,

Car trop son nostras terras luench.

En ung dyalogue d'entre Girard et Peyronet, entreparlants ensemble qui ayme plus sa dame présente ou absente, et qui induict plus tost à aymer ou les yeulx ou le coeur, Girard soubstient que le cœur faict plus aymer la chose qu'on n'a jamais veue que les yeulx, ainsi que feit Jaufroy Rudel, qui jamais n'avoit veue sa dame, ettoutefoys il en fut surpris d'amour. Plusieurs poètes provensaulx ameynent pour exemple i'amour de ce Jaufroy Rudel. Je treuve bien peu de poëtes provensaulx qui ayent escrit si doctement que luy. A faict ung traité intitulé : La Figura d'amour. <■ .