P. 31] DE PEYRE DE VERNEGUE

Peyre del Vernegue, chevalier, seigneur dudict lieu, fut homme courtois et gracieux, beau et avenant de sa personne. Le Dauphin d'Aulvergne luy portoit de grandes faveurs, au service duquel il estoit, qui luy fornist de chevaux et d'armes. Il avoit une sœur qui se nommoit Nassal de Claustre, qu'estoit une fort belle et vertueuse dame, femme de Beral de Mercuir, grand baron d'Auvergne, de laquelle Pierre en devint amoreux. Son frère le Daulphin portoit telle et si aveugle affection à Pierre (parce qu'il estoit un souverain poëte en rithme provensale) que luy mesmes incitoit sa sœur d'aymer et caresser le poëte, joinct qu'il feist un présent à la princesse de quelques chansons qu'il avoit faictes à sa louange, tellement qu'elle fust contrainte totalement oblier l'amour de son mari, pour aymer le poëte. Quoy venu à la cognoissance de Beral, son mary, en chargea jalousie en son cœur. Elle appercevant cela, trouva moyen [P. 32] de se descharger de tels ennuys, et lui donna honnestement congé, si qu'il se trouva en peu de temps sans armes et chevaux et sans argent. Et se voiant en telle nécessité, se feist comique suivant la cour des grands seigneurs, desquels receut en peu de temps draps, argent, armes et chevaux. Car ils mettoient les chansons et la besoigne de ce poëte en pris et valeur. Et peu de temps après se retira en Provence. Florissoit du temps de Alfons, comte de Barcellonne et de Provence, fils de Bemond Berenguier, qu'estoit en l'an 1178. Le Monge des Mes d'Or dict qu'il a faict un traicté en belle rithme provensalle intitulé La preza de Jérusalem par Saladin, en forme de regret. Trépassa en Provence au service de la comtesse, pour laquelle il avoit si bien chanté, qu'elle le feist mètre en belle sépulture, qu'elle avoit faict construire auprès du mauzeolle du Vernegue, les vestiges duquel se monstrent encores aujourd'huy du tout ruynées par l'injure du temps et nonchallance des hommes peu curieux de si rares antiquitez. Sainct Cesari dict avoir veu le dit mauzeole avant qu'il fut ruiné : le Mônge de Montmajour, fléau despoë-

tes, dict que cepoëte estoit un vilein rustique, grossier et du tout ignorant.

[F° 12 r°] LA VIE DE PEYROT. Fol. 118 *

Peyrot fut paouvre chevalier du pays d'Aulvergne, d'ung chasteau qui se nomme Peyrot, qui est en la terre et subjection du Daulfin, au pied de Rochefort, fut home courtoys, gracieux et advenant de sa personne. Le Daulfin d'Auvergne le tenoit à son service, le vestoit et luy donnoit chevaulx et armes. Le Daulfin avoit une sœur qui se nommoit Nassal de Clastre, qu'estoit belle et bonne dame et grandement privée et estimée, et estoit femme de Beraud de Mercuor, grand baron d'Aulvergne, grandement aymée de Peyrot. Le Daulphin son frère portoit tant d'afection et d'amytié à ce poëte que lui-mesme incitoit sa sœur d'aymeret caresser Peyrot, tant de plaisir et de délectation prenoit aux chansons que ce Peyrot faisoit de Madame Nassal, et elle aussi y prenoit un grand plaisir; et tant doctement et industrieusement il escript de ses louanges qu'elle en devint amoureuse, et luy faisoit plaisir d'amour. Ceste amytié monta si hault qu'elle vint à la notice et congnoissance du Daulphin, dont il en chargea jalousie en son cœur, car il croyoit qu'elle luy bailhoit plus de familiarité qu'il ne luy convenoit. Parquoy Peyrot fut contrainct s'esloigner de Madame Nassal, de laquelle n'eust plus ne vestement, ne armes, si que il ne se peut entretenir et de chevalier devint comique2, suyvant les cours et compagnyes des princes et barons desquels receut et draps et d'argent et de chevaulx. [Il florissoit en l'an 1185, soubs Ildephonse, roy d'Arragon, comte de Barcelone et duc de Provence, fils de Remond], du temps que Saladin print Jérusalem sur les Chrestiens, comme il en faict mention en une de ses chansons.

Regarde le discours de ses chansons pour adjouster à sa vie.

2 En marge: joglars.

[P. 33] D'ELYAS DE BARJOLS

Elyas de Barjols fut gentilhomme de Barjols, bon poëte provensal, homme de bon esprit et de plaisantes inventions, chantant fort bien. La princesse Garcene, fille de Guillaume, comte de Forcalquier, que fut depuis espousée à Raynez de Claustral, prince de Marseille, le retint pour son poëte provensal. Toutes les chansons qu'il faisoit à la louange de celle de laquelle il estoit amoreux les dedioit par la coupple finale à la princesse Garcene, en l'une desquelles, se repentant de la avoir trop aymée pour les maleurs qu'il en receut, dict ainsi :

Car crompiey vostras beautâs, E vostras plazens fassons.

Le comte Remond Berenguier de Provence, duquel temps il florissoit, que fut en l'an 1150, au retour qu'il feist de la guerre qu'il avoit contre Estephanette des Baulx et ses enfans, princes des Baulx et [P. 34] seigneurs du Bourgneuf d'Arles, pour raison du dict Bourgneuf et de leurs terres appellées Baussenques, et du droict qu'ils pretendoyent à la comté de Provence, luy fust rapporté que Elias avoit faict un chant, auquel il recitoit les victoires du comte de Provence, et de ce qu'il avoit dompté les princes Baussencs, luy feist de beaux et riches presens, et depuis se tint toujours au service de la comtesse Garcene, trespassa en la fleur de son eage en l'an 1180. A faict un traicté intitulé La guerra dels Baussencs, que le Monge dict avoir leuë en fort beau et élégant stille. Le Monge de Montmajour dict que la princesse Garcene ne se fut pas tenue honnorée de lire ne chanter aucunes des chansons que ce poëte eust faict, parce qu'elles estoient sans rithme ne raison.

[F0 19 vo] ELIAS DE BARJOLS «

Estoit gentilhomme de Barjols, homme de bon esperit et de plaisantes inventions, chantoit et trouvoit bien et promptement. Beatrix?

1 En marge: 1200.

la fille du comte Remond Berenguier, l'avoit retenu pour son poète ; toutes les chansons qu'il faisoit de celle de laquelle il estoit amoureux, les desdyoit et adressoit à Beatrix. Le comte Remond Berenguier, duquel temps il florissoit, au retour qu'il feit de la guerre qu'il avoit contre Estephanette et ses enfants, fils du prince Hugues de Baux, feist une chanson recitant les victoires dud. comte et comment il avoit surmonté et mis en subjection ses ennemys. Il a faict las Larguessas d'amours.