P. 35] DE GUILHEM DE AGOULT

Gruilhem d'Agoult estoit gentilhomme, sieur d'Agoult, fut en son temps bon poëte en rithme provensale, excellent en savoir et honesteté, exemplere de vray censeur, en toute sa vie bénin et modeste, renommé, bien-heureux, ayant la fortune conjoincte avec sa vertu, homme de riche taille, de gracieux visage et d'apparance vénérable, demonstrant tousjours quelque dignité non commune, fut amoureux de Jausserande du Lunel, fille (ainsi qu'aucungs ont escript) de Galserand ou Jausserant, prince de Frette, et de Gaulcier, qu'estoit une de[s] plus excellentes dames en prestance et beauté de corps et des [plus] illustres en vertus et bonnes conditions qui aytvescu de son temps. A la louange de laquelle il feist maintes bonnes chansons, qu'il adressa à Ildephons premier du nom, roy d'Arragon, prince1 de Provence et comte de Barcellone, duquel estoit premier et principal gentilhomme de sa mayson. Ce poëte avoit [P. 36] l'amour en telle recommandation, qu'en ses chansons se plaignant que de son temps l'on n'aymoit point ainsi qu'on devoit, dict que nul ne doibt estre prisé s'iln'a l'honneur en singulière recommandation devant ses yeux, carie vray amour fait vivre l'homme en joye et luy tollist toute tristesse de cœur. Il ne tenoit point pour vray et loyal amant celluy qui aymoit par tricherie, disant qu'il ne doit cercher aucune

1 A la marge : comte de Provence.

adventure si sa dame n'en est consentante, et quand elle le seroit, doit regarder la fragilité du sexe, autrement qu'il ne se peut dire vrai amoureux : dict aussi, qu'au temps passé ne cerchoyent que l'honneur en l'amour, et les dames ausquelles gisoit tout honneur et bonté ne faisoyent chose qui repugnast à leur honneur; mais aujourd'huyle monde est mys en ballancc parce que les amoureux font tout au contrere, tellement que cella revient à un grand blasme et desadvantage des bons et loyaux amans. Il a faict sur ce propos un traicté intitulé La maniera d'amar dal temps passai. Florissoit du temps du dict Frideric, empereur, et trespassa lors et du temps que le dict Udephons recouvra la Provence par le trespas de son frère Sancius, qui fust environ l'an 1181. Le Monge des Mes d'Or [P. 37] dict avoir leu les oeuvres de ce poëte et autant en dict Sainct Cesari ; le Monge de Montniajour en sa chanson dict que ce poëte entre les damoyselles estoit grandement desbordé en toutes ses actions.

[Fo 16r°]VIE DE GUILHEM DE MONTAGNE AGOULT. Fol. 191 v°

Guilhen de Montagne Agoult fut ung chevalier de Provence, bon trouveur et grand amoureux. S'entendit avec Madame Jausserande de Chastel Lunel, pour laquelle feit maintes bonnes chansons. Il adresse ses chansons au Roy de Castille. Il a escript doctement et a faict un petit livre intitulé: lou Tractât dels vycis et vertus.