P. 38] DE GUILHEM DE SAINCT DESDIER

Guilhem de Sainct Desdier fut un riche gentil-homme du pays de Vellay, homme honorable, bon chevalier aux armes, large et libéral, bien apris et bien courtois, bien aymé et prisé de toute qualité de gens, fut amoureux de la marquise de Poullignac, sœur de Nassal de Claustral, à la louange de la-

quelle Guilhem feist plusieurs belles et bonnes chansons. Il la nommoit par nom secret Mon Bertrand, mesme nom avoit il mis à un sien compaignon familier nommé Hugues Mareschal, auquel Bertrand le dit Guilhem adressoit ses chansons, pour ne bailler matière de soubson au marquis, son mary. Elle aussi se contentoit que par nom secret Guilhem la nommast Bertrand. Hugues Mareschal donc,- sachant tous les secrets de Guilhem et [P. 39] de la marquise, essaya le faire dechasser de la cour du marquis, cuidant parce moyen tenir la place de Guilhem envers la marquise, mais elle voyant la témérité et improbité de Hugues Mareschal luy bailla charge d'aller recevoir son revenu en quelqu'une de ses places, où il fut murtri par les paysans du lieu, on ne sçait pourquoy; cependant Guilhem se retira en Provence au service de Ildefons, roy d'Aragon, comte de Provence, que fut environ l'an 1185, auquel temps il trépassa. A faict l'interprétation d'un songe que feist la marquise, luy prédisant tout ce qu'adviendroit à tous deux par l'envie et trahison de son compagnon. Et luy donna en secret une reigle infallible suyvant l'opinion des plus savans philosophes, sur la vraye interprétation des songes, c'est qu'ils seront véritables, si nous vivons sobrement, et qu'en telle sorte nous prenons nostre repos ; car quand nous dormons avec l'estomac chargé du vin et des viandes, nous ne songeons que choses troubles, confuses et obscures. Le Monge de Montmajour dict que ce Guilhem chantoit voulentiers, mais qu'il fut déshérité d'amours : a mis las Fablas d'Ezop en [P.40] rithme vulguere provensale ; et neantmoins a faict un beau tr[a]icté de V escrima, qu'il adressa au comte de Provence.

[F0 5 r°] LA VIE DE GUILHEM DE S. DESDIER. Fol. 56

Guilhem de Sainct Desdier fut ung riche chastelain du pays de Vellay, de l'evesché du Puy Saincte Marie, fut home honorable, bon chevalier d'armes, large et libéral d'avoir et de richesses, bien apris et moult courtoys, et moult fut aymant et moult estoit aymé et agréable de tous. Il ayma la marquise de Polloigne qu'estoit sœur du daulphin dAulvergne et de Nassal de Clastre et femme du vicomte de Polloigne. Ce Guilhem de Sainct Desdier faysoit ses chansons d'elle

et l'aymoit par amour, et par nom secret la nommoit Bertrand, et Hugues Marescal disoit et le nommoit aussi Bertrand, qui estoit son compagnon, lequel sçavoit tous les faicts et les dicts de Guilhem et de la marquise, et tous troys se nommoient entre eulx Bertrand, et entre tous troys y avoit grand allégresse et familiarité. Mais Guilhem de Sainct Desdier retourna en grand tristesse et fâcherie, car les deux Bertrands cy dessus luy feirent une grand trahyson et felonye.