P. 59] DE REMOND DE MIREVAUX

Remond de Myrevaux fut un pauvre chevalier carcassonnois, n'ayant que la quarte partie du chasteau de Myrevaux, auquel n'habitoyent pour lors soixante hommes ; mais par le moyen de sa belle et riche poésie, il l'augmenta de beaucoup, et chanta si bien que finalement il l'acquist entièrement. Il savoitplus d'amour et courtizanie, et de plusieurs bonnes sciences qu'avoyent cours de [son temps, qu'autre qu'aye escript;

fut aymé et prisé par le comte Raymond de Thoulouse, luy portant tant de faveur et de familiarité qu'entre eux se nommoyent par nom secret Audeiards ; le comte luy fournissoit d'armes, de chevaux et de tout ce que lui estoit nécessaire. Il estoit aussi aymé et prisé de Pierre, roy d'Aragon, et du vicomte de Beziers, et de Bertrand de Sayssac, et de tous les barons et gentilshommes du pays. Il n'y avoit dame ne damoiselle de quelque maison que ce fust qui ne desirast avoir Remond de Mire vaux en sa compagnie. Toutes desiroyent de le voir, de l'avoir, de l'ouyr chanter et [P. 60] avoir sa cognoissance et familiarité, parce qu'il les savoit fort bien honnorer, et tenir en allégresse et passe temps, et aucune d'elles ne croyoit estre prisée s'il ' n'estoit aymée de luy, au moyen de quoy il eust grande cognoissance et familiarité avec elles, pour lesquelles chanta maintes bonnes chansons. Mais l'on n'a jamais eu opinion mauvaise d'elles, ne de luy, ainsi que l'a descript Hugues de Sainct Cesari, et en mesmes termes le Monge des Mes d'Or, ne qu'il receut aucune faveur d'elles à l'endroit de l'amour, ains au contraire toutes le trompèrent. Il se trouve une tenson ou un dialogue entre Remond de Mirevaux et Bertrand de Allamanon, autre poëte provensal qui fiorissoit de ce temps, auquel y a une belle dispute: quelle des nations est la plus noble et la plus excellente, ou la Provensalle ou la Lombarde. Remond maintient parvives raisons que c'est la nation provensalle et le pays aussi, auquel abonde beaucoup de bons poètes provensaux, ce qu'on ne voit point en laLombardie, et qu'il ne sortit jamais tant de seigneurs et vaillans chevaliers et capitaines du ventre du cheval de Troye, qu'ils se sont trouvez de souverains poètes en Provence. Ceste question fut envoyée aux dames [P. 61] de la Cour d'Amour, résidents à Pierrefeu et a Signe, pour en avoir la diffinition, par arrest de laquelle la gloire fut attribuée aux poètes provensaux, comme obtenans le premier lieu entre toutes les langues vulgaires. Le Monge de Montmajour dict que Myrevaux estoit si prodigue et libéral qu'il donna par plusieurs fois son chasteau à sa dame, et avant que fut passé l'an le luy redemanda en plorant. Il a faict un traicté intitulé

1 Sic. Lis. s'elle ou si.

Las lauzours de Proensa, en prose ; trespassa en Fan 1218, chargé de plusieurs ans, pauvre et défectueux.

[F° 11 po] LA VIE DE REMOND DE MYREVAULX F. 110*

Remond de Myrevaulx fut ung paouvre chevalier Carcassonnoys quin'avoitquela quarte partie du chasteau de Myrevaulx, auquel chasteau u'habitoyent pas soixante hommes. Mays pour son beau trouver et pour son beau dire (car il sçavoit plus d'amour et de courtysanye, et de tous les faicts advenans, et de tous les dicts playsans qu'avoyeut lors cours entre les aymants et amantes, que home qui fut en tout ce pays) fut grandement honorable et tenu cher par le bon comte de Thoulouse, et se nommoient entre eulx deux par nom secret Audeiards. Le comte luy donnoit les chevaulx et les armes et les habilhements qui luy estoient nécessaires, car estoit son maistre d'hostel et de Pierre, roy d'Arragon et du vicomte de Beziers et de Bertrand de Sayssac, et de tous les grands barons de celle encontrée. Et n'y avoit nulle grande et vailhante dame en tout ce pays là qui ne desirast et ne print peine d'avoir sa congnoissance et familiarité, car il les sçavoit mieulx honnorer et tenir en allégresse que nul autre home. Or nulle d'elles ne croyoit estre prisée si n'estoit aymée de luy. Il eut congnoissance et familiarité avec maintes dames, et pour elles chanta maintes belles chansons ; mays ne fut creu qu'il receut jamais aulcung bien ne aulcune faveur d'elles à l'endroit de l'amour, ains toutes le trompèrent.

Regarde vers la fin de presque toutes les chansons qu'il adresse à Audeiard, faisant mention de Mvrevaulx. F. 113.

[P. 62] DE ANCELME FAYDIT

Ancelme Fajdit fut fils d'un bourgeois qui conduisoit les affaires de la légation d'Avignon, chantoit le mieux que homme du monde, estoit bon poëte provensal, composoit fort

1 En marge: 1210.

bien la parolle et le chant des chansons qu'il faisoit, que les poètes provensaux ont appelle en leur ancien langage de bons mots e de bons sons, estoit homme de bonne chère, vivant sans soucy,pour raison de quoy il perdit toute sa chevance au jeu des dez ; devint bon comique, vendant les comédies et tragédies qu'il faisoit les deux ou trois mil livres wulhermenses ', quelquefois plus, selon l'invention : luy mesme ordonnoit la scène, et avec ce recevoit tout le proufit des expéditeurs et auditeurs d'icelles; il estoit si libéral, prodigue et gourmand en son manger et boire qu'il despendoit tout ce qu'il gaignoit de sa poésie, dont il devint gros outre mesure. Fut longtemps malfortuné et en grand desastre de recevoir aucuns dons ne honneurs de personne, fors que de Richard, roy d'Angleterre, au ser-[P. 63]-vice duquel il demeura jusques à sa mort, que fut en l'an 1189, qu'il en receut de beaux presens, Plus de vingt ans suyvit le monde à pied. Espousa une dame qu'il mena longtemps avec luy par les cours des princes, nommée Guilhaumone de Soliers, issue de noble race de Provence, qu'il avoit tirée à belles parolles d'un monastère de religieuses d'Aix en Provence, qu'estoit fort belle, docte et bien aprinse en toutes bonnes vertus, chantant fort bien toutes les chansons que son Ancelme faisoit. Mais, pour la vie dissolue qu'ils tenoyent ensemble, elle devint aussi grosse que luy, et surprinse de maladie trespassa. Ancelme, se voyant seul, se retira à Boniface, marquis de Montferrat, patron débonnaire, amateur de tous hommes studieux, qui l'aynia et prisa grandement, et estant à son service, mist en avant une comédie intitulée L'heregia dels Preyres, qu'il avoit longtemps tenue secrette sans la divulguer, fors que audit marquis, qui tenoit de ce temps le party du comte Remond de Thoulouse, laquelle il fist jouer en ses terres. Le marquis le tint longuement avec luy, luy faisant de beaux et riches presens de robbes, harnois et chevaux, et si mist en prix ses belles et ingénieuses inventions. Dernièrement se retira [P. 64] à Agoult, seigneur de Sault, qui le tint longuement en grand honneur, et luy fist beaucoup de biens et de faveurs,

* A la marge : Livres wulhermenses ou guilhermenses du nom d'un comte de Thoulouse.

et ytrespassa, estant à son service, en l'an 1220. Le Monge des Mes d'Or en dit autant, et le Monge de Montmajour en sa chanson dit que des que Faydit devint amoureux, il changea son stille, et que ses chansons ne furent jamais prisées ne trouvées bonnes de personne ; toutes fois il se trouve qu'il estoit un fort bon poète ; il a fait aussi un beau chant funèbre du feu roy Richard d'Angleterre, et un chant contenant la description d'Amour, de son palais, de sa cour et de son estât et pouvoir, à l'imitation duquel Pétrarque en a fait un semblable, et a fait mention de ce poëte au quatriesme chapitre de son Triomphe d'Amour.

[F0 8 r°] VIE D'ANCELMB FAYDÏT. Fol. 78*.

Ancelme Faydit fut d'ung bourg appelé Userat en l'evesché de Lymoges, fut filsd'ungbourgeois qui chantoit pire que homme du monde. Est vray qu'il composoit fort bien et la verbe et le chant des chansons qu'il fesoit, estoit homme de bonne chère, sans soucy, pour rayson de quoy il perdit sa ehevance au jeu de dets. [Se feit comique et vendoit ses comédies quelquefois xxx livres, quelquefois cinquante ou lx, selon l'invention d'icelles, et luy mesme ordonnoit la scène et avec ce tiroit tout le profict des espectateurs et auditeurs d'ycelles.] Fut homme moult libéral, prodigue et gourmand en son manger et en son boyre, et par ce devint gros oultre mesure. Il fut longtemps malfortuné et en grand désastre de recepvoir auicuns dons ne honneurs, et plus de vingt ans suyvit le monde à pied, car luy ne ses chansons n'estoient agréables ne bien venues à personne. Se maria avec une soldade qu'il mena long temps avec luy par les cours des princes, qui se nommoit Guillaume d'Alest, qu'estoit de la marche de Prouvence, soubs la domination de Bernard d'Anduze, que Ancelme avoit tirée d'ung monastère de nonains, qu'estoit fort belle, docte et bien aprinse en toutes bonnes vertus ; et pour la vie dissolue qu'ils menoyent, elle devint aussi grosse que luy, dont de maladie surprinse mourut.

Ancelme, se voyant seul, se retira par devers Boniface, marquis de Montferrat, et patron débonnaire de tous gens studieux, qui l'ayma et prisa grandement. [En estant à son service mist en avant la comédie intitulée VHeregia dais Preyres, que le marquis feit jouer à la dévotion et voulonté d'Ancelme.] Pour rayson de quoy, il se tint long

1 En marge: 1207.

temps avec luy, et luy donna de beaux et précieux dons de robbes et d'arnoys et meist en prix ses belles inventions.