P. 65] DE ARNAUD DE MEYRUELH
Arnaud de Meyruelh estoit gentilhomme provensal ; son père avoit quelque droict de seigneurie au lieu de Meyrueilb, près d'Aix en Provence, et venant en pauvreté fut contrainct le vendre ; Arnaud ayant quelque commencement es lettres et ne pouvant vivre, ne s'entretenir de son savoir, s'en alla par le monde fréquentant la compagnie des poëtes, avec lesquels il aprint à poétiser et composer en sa langue provensale, parce qu'elle avoit lors cours et estoit agréable a tous ceux qui prenoyent plaisir àla poésie, se meist au(t) service du vicomte de Beziers surnomme Talhefer, yssu des comtes de Tholouse, où il devint amoureux de la contesse de Burlas, nommée Alearde, femme du dict Taillefer. Ce poète estoit homme gracieux et beau de visage, bien chantant et bien lisant les romans ; la comtesse luy faisoit de grandes faveurs, mais Arnaud ne luy osoit déclarer que les chansons qu'il faisoit fussent de sa composition, ains [P. 66] donnoit la louange à d'autres ; advint que amour le contregnit de telle sorte qu'il en feist une en laquelle il demonstroit bien appertement l'amour qu'il pourtoit à la comtesse, en laquelle disoit qu'il ne pouvoit oublier la franche contenance de ceste comtesse, ainsi qu'il le monstre à la fin d'un sonnet commensant :
, Anas vous en pauras rymas dolentas,
et vers la fin dict :
Fazes auzir vestras kastas preguieras Tant doussament, qu'a pietat sia moguda De s'inclinar a ma justa demanda.
Ce sonnet eust tant de vertu et d'eficace envers la contesse, laquelle ne rejectant point les chastes prières d'Arnaud, s'y arresta et les escouta gracieusement, que fut la cause qu'elle
luy fornist de vestemens, de armes et de chevaux, et meist en pris et valeur ses chansons, et des lors continuant sa poésie, feist un beau et juste volume de chansons, de sons, de sonnets, de chants, de tensons, de syrventez, et des mots. Le Monge des Isles d'Or et Saint Cezari s'accordent tous deux de l'ingéniosité de ce poëte, et néanmoins qu'il a faict un traicté intitulé Las recastenas de sa comtessa. Le Monge de Montmajour dict qu'Arnaud estoit yssu de pauvres parens, que sa dame n'eust jamais soûlas [P. 67] ne passe temps de luy, et qu'il n'avoit aucune grâce en son chanter. Flourissoit de mesme temps que les autres poètes cy devant et trespassa en l'an 1220. Pétrarque a faict mention de cest Arnaud au 4. chapitre de son Triomphe d'Amour.
[F° 4 r°] VIE D'ARNAUD DE MEYRUELH. Fol. 48 »
Arnaud de Meyrueil fut de l'evesché de Perigord, du chasteau qu'avoit nom Meyruelh, fut clerc de paouvre génération ; car il ne pouvoit vivre ne s'entretenir de sonsçavoir, s'en alla par le monde; sçavoit fort bien trouver et poétiser, s'entendit en la cour de la comtesse de Burlaz, qu'estoit filhe du procomte Reymond, femme du vicomte de Beziers 2 surnommé Tailhefer, yssu des comtes de Thoulouse. Cestuy estoit fort gracieux et advenant de sa personne, chantoit fort bien et lysoit bien tous livres en romans. La comtesse luyfaisoit de grands honneurs; et fut surpris de l'amour de la comtesse, en faysant de belles chansons à son honneur, mais ne le luy ausoit déclarer ne à personne qu'il les eust faictes, ains bailhoit l'honneur à d'autres, et advint qu'Amour le contraignit tellement qu'il feit une chanson d'elle qui disoit ainsi: La franca captenen sa qu'yen non pos oblidar, c'està-dire « La franche contenance que je ne puys oublier »,en laquelle il descouvroit l'amour qu'il luy portoit. La comtesse ne rejeta point ses prières, ains s'i arresta et les escouta, que fut la cause qu'elle le receut eD sa grâce, et le fournit de vêtements et d'armes et luy feit
grand honneur et luy donna occasion de d'elle et devint homme
de cour fort honorable et composa maintes bonnes chansons de la
comtesse, esquelles clerement avoir receu de grands biens et de
grands maulx de
4 En marge; 1278.
2 En marge: de Beders.
[Add. 11, fo 89]
Jehan4, comte de Burlas, seneschal de Prouvencepour le roy Charles de Sicille, comte de Prouvence, faict un exchange de la part et jurisdiction queled. roy avoit au lieu de Muy avec Guilhen de St-Aulban, seigneur lors du Puget Theniers, par lequel appert que led. de St- Aulban demeura seigr dud. Muy, duquel St-Aulban sont issus les Balbes, race ancienne et noble de Prouvence. Led. exchange fut depuis confirmé par led . Charles.
Ce Jehan de Burlas, pourrayson de sa femme, qu'estoit comtesse de Burlas, filhe du procomte Remond et femme en premières nopces du vicomte de Beziers, surnommé Tailhefer, fut en crédit envers Charles, roy de Sicille. A la louange de laquelle comtesse, qu'estoit du temps une belle dame, docte et vertueuse, Arnaud de Meyrueil2 fameux poëte prouvensal, en a faict de fort belles et bonnes chansons, ainsi qu'elles se treuvent tant au chansonnier du seigr comte de Sault que au myen, en nombre de quatorze, qu'il adresse à ceste noble comtesse, et voycy la vie dud. Arnaud de Meyruelh, que j'ai ainsi transduicte:
Arnaud de Meyruelh fut de l'esvesché de Pyenygord, d'ung chasteau qui se nomme Meyruelh, yssu de bas et paoures parens, sçavant aux lettres, et ne pouvant vivre ne s'entretenir de son sçavoir, s'en alla par le monde. Il sçavoit fort bien treuver et poetizer, s'adonna à suyvre et hanter la cour de la comtesse de Burlas, qu'estoit filhe du procomte Remond, femme du vicomte de Beziers, surnommé Tailhefer, où il fut bientost cogneu et estimé, parce qu'il estoit fort gracieux et advenant de sa personne, chantoit fort bien et lysoit bien tous romans. La comtesse de Burlas luy faisoit de grands honneurs, de laquelle il fut surpris de son amour en faisant de belles chansons en son honneur, mais il n'ausoit déclarer à la comtesse ni à personne qu'il les eust faictes, ains atribuoit l'honneur à d'autres. Advint qu'amour le pressa tellement qu'il feit une chanson entre autres qui se commence:
La francha captenensa Que non puesc oblidar,
en laquelle il descouvroit apertement l'amour et l'affection qu'Arnaud portoit
(Le folio 89 finit ici, et celui qui devrait suivre manque.)
1 En marge : 1278, 14 septembre. Jehan, comte de Burlas.
2 En marge: D'Arnaud de Meyruelh, poëte provensal.
