DE PONS DE BRUEIL
[P. 82]. Pons de Brueil, gentil-homme provensal, du pays des montaignes, ainsi qu'aucungs ont voulu dire, et de autres qu'il estoit d'Italie, mais il n'est pas à croire, parce que le Monge des Isles d'Or dict qu'il estoit d'une rasse ancienne et tresnoble de Provence, de Aperi oculos /Sainct Cesari dict que tel surnom est d'Italie; fut savant aux bonnes lettres et en poésie provensale, chantoit fort bien en musique et touchoit encor mieux de tous instruments. On a escrit de luy qu'il estoit vaillant aux armes, bien courtois et gracieux ; n'estoit pas de grand revenu, mais par le moyen de ses vertus, gaignoit tout ce qu'il vouloit, se tenoit tousjours vestu de beaux et riches acoustremens, et fort propre selon son état ; fut amoureux de Elys de Merillon, femme de Ozil de Mercuyr, fille de Bernard d'Anduze, gentil-homme d'Auvergne, homme [P. 83] fort honnorable, à la louange de laquelle feist maintes bonnes chansons, et tant qu'il vesquit n'en ayma point d'autre. Quand elle fut trespassée, il se croysa au passage que firent outre mer les gentils hommes de Provence avec leur comte, et illec trespassa en l'an 1227. A fait un beau chant
funèbre sur la mort de Elys, adressa ses chansons à Beatrix, dernière fille du comte du dict pays, et à Andiarde J et à Marie, royne d'Angleterre et de France -. A mys par escrit un traicte intitulé De las amours enrabyadas de Andrieu de Fransa, qui mourut par trop aymer, ainsi qu'a esté dict en la vie de Geoffroy Rudel. Le Monge de Montmajour dict que ce poëte estoit un larron de rithmes, et qu'en sa vie il ne dicta rien qui vallust. Quant à cest André de France qui mourut par trop aymer, nous n'avons peu recouvrer son romant, ainsi qu'a esté dict.
[F0 14 r°] VIE DE PONS DE CADUEILH. Fol. 174
Pons de Capdueilh fut de l'evesché mesme de Guilhen de St- Desdier, fut home moult riche, gentil baron, qui sçavoit fort bien trouver et bien vyoler et chanter, fut bon chevalier d'armes, bien parlant et gentil domnejan, courtoys, beau, grand et bien apris. N'estoit pas home de grant avoir; mais, par le moyen de sa grâce et advenance de sa personne, il en recouvroit tant qu'il vouloit et se tenoit fort bien et proprement selon son estât. Il ayma madame Elys de Merilhon 3, femme de Ozil de Mercuor, fllhe de Monsr Bernard d'Anduze, gentilhomme fort honorable de la marche de Provence, à la louange de la quelle feist maintes bonnes chansons, et tant qu'elle vesquit, il n'en ayma point d'autre. Quand elle fut trespassée, il se croysa au passage qu'on feit oultremer, et là morut.
Il adresse ses chansons à Madame Beatrix 181, 179, et à Audiarde 178, et à Marie 177, au roy d'Aragon 175, 177, et a Andrieu 176, et une chanson de la mort de sa dame Adalazia ou Elys 176.
1 Sic. Lis. Audiarde.
2 A la marge: Andiarde [lis. Audiarde) royne dAngleterre, Marie royne de France.
3 En marge : Adalazia ou Elys de Merilhon.
