P. 84] DE HUGUES DE LOBIERES

Hugues de Lobieres fut gentil-homme de Provence, de la ville de Tharascon, bon poëte provensaL homme de subtilles inventions. Pour son savoir s'enrichist à la poésie provensale, et se meist au rang des grands barons et seigneurs du pays, qu'il entretenoit en publique divorce, tant malin et divers estoit il ; il estimoit que jamais nul le passast en vertu ; mais elles furent tellement obscurcies d'une ambition et voluptueuse ardeur de luxure qu'il avoit envers les femmes, que personne ne voulut escrire de luy, ne a son honneur, ainsi que plusieurs ont voulu croyre, cognoissant bien que au jugement de tous il meritoit d'estre ainsi ensevely. Le Monge des Isles d'Or et Sainct Cezari n'ont faict que bien petit discours de luy, disans que les escrivains de ce temps se sont teuz des faicts de ce poëte, pour avoir esté jugez indignes d'estre mys en lumière ; et [ ja] soit [P. 85] qu'il fut savant, toutesfois il morust ainsi que les pécores, sans laisser aucune mémoire de luy, et par ainsi que ses faicts furent noyés au fleuve d'éternel obly. Le Monge de Montmajour a observé cecy1, que les poètes ignorants et ceux desquels on avoit mauvaise oppinion, il les a extollés et mys jusques au ciel, ainsi qu'il a fait de cest Hugues de Loubyeres, et au contraire les bons et fameux poètes estoyent mesdicts de luy, mais c'estoit par une grande industrie et louange.