P. 86] DE BERAL DES BAULX

Beral des Baulx fut un des principaux gentils-hommes de la plus noble et première mayson de Provence, seigneur de

i A la marge: Quelle estoit la façon d'escrire du Monge de Montmajour.

Marseille, grand amateur des lettres et mesme de la philosophie ; il avoit recouvré d'un phisicien catalan, qu'estoit de ce temps au service du comte de Provence, quelques livres en langue arabe traitans de l'astrologie, et mesmes Albohazenhaly fils d'AbenRagel, arabe, Du jugement des astres, qu'estoit traduict en langue espagnolle ou cathalane, esquels il estoit tant adonné, qu'il se rendit plustost superstitieux que vray observateur des reigles. Car (ainsi que recite le Monge des Isles d'Or) estant la lune en sa plénitude, Beral partant de son chasteau des Baulx avec son train, tenant chemin pour aller en son gouvernement d'Avignon, quand il fut près de la ville de Sainct Remy, trouva une bonne femme fort aagée cueillant quelques [P. 87J herbes avant le soleil levant, barbotant quelques paroles, ores regardant au ciel et ores en terre, faisant le signe de la croix, luy demanda si elle avoit veu à ce matin quelques corbeaux ou autres oyseaux de semblable plumage : Ouy (dict elle) un corbeau sur le tronc de ce saule mort qui ne faisoit que grailler, tournant sa teste ça et la. Beral prenant cela a un très dangereus présage, comptant avec ses doigts en quel point estoit la lune, craignant quelque sinistre accident, tourna promptement bride vers son chasteau des Baulx, en disant : ne huy, ne demain ne se faut pas mètre en danger. Le Monge de Montmajour dict que les oyseaulx qui voilent en Taer ont faict telle peur à Beral le • supersticieux, qu'il a esté contraint tourner bride. Il estoit bon poëte provensal, amateur des poètes. Le Monge des Isles d'Or dict que Beral avoit espousé la fllle du roy des Heruliens et Obotrites; trespassa jeune, estant en son palaix de Marseille, de certaine affection conceue du chant d'un de ces oyseaux noirs, qui se vint repposer sur le toict d'une maison vis à vis des fenestres de la salle de son chasteau, tandis qu'il disnoit encom- [P. 88]-pagnie de sa femme et de tous les gentilshommes de sa cour, que fut environ 1229, délaissant autre Baral son successeur.

i^^^Pi^lQjQSy^gy^^

[P. 89] DE ROOLLET DE GASSIN

Raoulx ou Rollet de Gassin fut premier gentilhomme de Provence du chasteau de Gassin, assis au rivage du goulfe de Grimaud, poëte excellent, grand orateur et historien mémorable, vaillant aux armes, lequel par le moyen de ses grâces et vertus singulières en la poésie, fut tousjours bienvenu entre les plus grands, et mesme des gens d'Eglise, nonobstant qu'il escrivoit contre leurs vices, mais il soustenoit fermement leur party contre l'opinion des Albigeois et Vaudois de Lyon, la doctrine desquels avoit cours de ce temps. Eust entrée et cognoissance avec les dames et princesses qui se delectoyent à la poésie provensalle, avec lesquelles il fut si bien venu, qu'il receut d'elles chevaux, armures, robbes et argent, selon la coustume de lors. On ne faisoit aucune expédition de guerre, fut contre les Vaudois ou contre les Touchins, ou autres ennemis de l'Eglise, qu'il n'y fut appelle des premiers aux escarmouches, pour raison de quoy il en fut estimé et prisé de tous. Or [P. 90] puisqu'il estoit provensal, estoit bien raison (ainsi que le descript le Monge des Isles d'Or) qu'il fist service à son souverain prince et seigneur le comte de Provence, auquel il se retira, duquel il fut le fort bien venu, aymé et prisé : car ayant été informé par des plus grands princes de sa cour de la suffisance et dextérité de ce Raoul, il l'employa à la réduction des membres de sa comté de Provence, contre les rebelles du pays, qui ne se vouloyent renger à son obéissance, ne luyprester hommage: et estant eslevé ainsi en haut degré, sa fortune ne permist point le laisser passer sans luy faire sentir de sa variété et inconstance, car en une assemblée qui se fist en la ville de Montpellier, il s'y trouva, et fut surpris tellement de l'amour d'une gentilfemme de la maison de Montauban nommée Rixende, ou Richilde, qu'il fut contraint oublier toutes ses bonnes et honnestes actions, à la louange de laquelle fist plusieurs bonnes et doctes chansons, desquelles luy en fist présent, mais elle comme fausse enganeyviz1, se

' A la marge: Enganeyriz, tromperesse. 5

moqua du poëte, jaçoit que ce fut contre sa coustume, car elle estoit belle, sage, vertueuse et bien aprinse, prenant plaisir à la poésie. [P. 91] Le poëte s'estant incroyablement et contre son opinion apperceu de ceste tromperesse, en print tel desdain en son cœur que de fureur poétique fist un cbant en forme de centurie, tout plein des ingratitudes de sa dame, et ne se pouvant plus honnestement venger contre elle, abandonna le monde, et se rendit moyne en un monastère d'Avignon le plus austère qu'il sceust trouver, sans avoir communiqué cest estrange changement à personne de ses parents et amis, lesquels ne le voyans plus marcher par la ville, furent esbays d'avoir ouy 'dire qu'il s'estoit rendu religieux, sans qu'il se voulust monstrer à eux. Les nouvelles de ce nouveau religieux parvindrent tost aux oreilles de l'evesque de Cuzeran, lors légat d'Avignon, dont il fut grandement esbahy, et le vint visiter au monastère, où ce sainct hermite se monstra à luy seul à visage descouvert, luy remonstrant qu'il eust plus fait de service au Sainct Père de Romme et à l'Eglise, en ce temps turbulent et calamiteux contre les ennemis d'icelle, que non là où il estoit, que quand sa Saincteté en seroit avertie il y pourvoirroit, et le recompenseroit de quelque bon bénéfice et dignité. Le poëte luy remonstra que luy ne personne ne doit estre esbahy de si [P. 92] sainct et délibéré propos, et que S. Augustin l'avoit ainsi admonnesté en songe de vivre, et finer le reste de sa vie sous sa reigle, au reste qu'il estoit humble serviteur de sa Saincteté. Pendant que ces propos se tenoyent, voicy arriver un courrier avec mémoires aux fins d'avoir la collation de la prepositure de Pignans1, vaccant par le decez du dernier possesseur, que fut dés lors offerte et conférée au dict Raoulx, laquelle il accepta, et remercia le légat du Pape, par commandement et dispense duquel sortit tout incontinent du dict monastère, print possession d'icelle, et en obtint confirmation du comte de Provence, comme estant de sa fondation et collation, et se y retira, et quand il estoit employé ou pour les affaires du comte de Provense, ou pour les affaires de l'Eglise, il y faisoit son devoir. Sainct Cezari en son Cathalogue, parlant de ce poëte, dict

i A lu marge: La prepositure de Pignans est fondation royalle.

qu'il estoit un homme rare de son/temps, beau dévisage, plaisant et gracieux, bon poëte en toutes langues, et mesmes en la provensalle, et qu'il eust cfestranges et diverses fortunes, et que son père de la maison des Almarics estoit l'un des oppulents gentilshommes que fut en toutes les marches de Provence, qu'avoit espousé une gentilfemme de la mai-[P.93]son de Cippieres, qu'estoit belle, sage etvertueuse, de laquelle il eust un grand nombre d'enfans, desquels sont issus la race des Amalrics de Provence. Le Monge de Montmajour, en sa chanson contre les poètes, n'a pas oublié dire de luy que ce Roollet estoit un babillard, charlatan, laid, fâcheux et malplaisant, depiteux et solitaire, saisy de plusieurs imperfections. Trespassa de hayne conceue contre l'un' des moynes de Pignans, de douleur et de despit, en l'an 1229.