P. 94] DE RAMBAUD D'ORENGE

Rambaud d'Orenge fut gentilhomme d'Orenge, seigneur de Corteson, bon chevalier et vaillant aux armes, et bien estimé en la poésie provensalle. Rambaud de Vachieres et luy estoi[en]t grands compagnons ensemble ; s'addonna à poursuivre l'amour des dames d'honneur, à la louange desquelles composa de fort belles chansons. Sur toutes les dames ilayma et honnora par ses vers la dame de Castel Verd, nommée Marie, de noble maison de Provence, avec laquelle eust de grandes privautez et de faveurs incroyables, ainsi qu'il en appert par le discours de ses chansons, la nommant par nom secret Mon Comique. S'estant departy d'elle pour les faux rapports, proposa se retirer vers la comtesse d'Orgueilh, fille du marquis . de Busqué, pour avoir ouy parler des vertus qui estoyent en elle, de laquelle il fut tellement surpris, et elle de luy, parla simple lecture de l'une de ses chansons, que Rambaud surpris de maladie ne peut accomplir son voyage. Cependant il luy adressoit tou-[P. 95]-tes ses chansons. Estant guery, s'amusa

à l'amour d'une damoyselle de basse main de Provence, de laquelle il n'en rapporta aucun proufit ne honneur, et peu de temps après trespassa, en l'an 1229. Le Monge des Islesd'Or dict, en adjoustant cecy à la vie de Rambaud, que la comtesse ne se peut tenir de dire à l'une de ses plus familières damoyselles, que si Rambaud fut venu la visiter, qu'il eust receu de beaux dons: dit aussi que ce n'est pas la comtesse d'Orgueilb, ains la comtesse de Montrouzier. A faict un traité intitulé La Maestria d'Amour, qu'il adressa à la princesse Marguerite de Provence, fille du comte Remond de Provence, qui fut depuis mariée à sainct Loys, roy de France, de laquelle au lieu d'en avoir recompence il en fut relégué aux isles d'Yeres par le grand Romeo, maistre d'hosteldu comte de Provence, et depuis rappelle par le dit comte aux prières de la dicte Marguerite, quand elle fut royne. Florissoit du temps de Guilhem desBaulx, prince d'Orenge, surnommé Delcournas, lorsqu'ilfut installé roy du royaume d'Arles et de Vienne, par Frideric 2, empereur ; lequel portoit en ses armoiries de gueulles à l'estoille, à seize rays d'argent et en pied [P. 96] d'or, a un cornet d'azur. De ce Rambaud, et l'autre cy-devant nommé, Pétrarque a faict mention en son Triomphe d'Amour.

[Fo 8 v0] RAMBAUD D'ORANGE

Rambaud d'Aurenge fut seigr d'Aurenge, de Cortezon et de plusieurs chasteaux d'environ ; fut bon chevalier et vaillant aux aimes et grandement estimé à composer rithmes vulgaires en sa langue prouvensale. S'adonna à poursuivre l'amour des dames d'honneur, à la louange desquelles il composa de belles chansons, et sur toutes les autres dames ayma longuement une dame de Provence nommée dame Marie de Verdefeuilhe, et en toutes ses chansons la nomme MonJoglar. Elle l'ayma aussi grandement ; et feit pour elle plusieurs belles chansons. S'estant desparty d'elle pour quelques faulx rapports, se retira de l'amour de la dame de Verdefeuilhe, et ayant ouy parler des vertus de la comtesse d'Orgueilh, fille du marquis de Busqué en Lombardie, sans l'avoir jamais veue, en devint amoureux, escripvant tellement à la louange d'elle qu'elle, ayant receu de ses romances, fut incontinent surprinse de son amour par les lettres qu'elle luy escrivoit, que fut la cause qu'il chanta d'elle plus doctement et plus haultement qu'il

n'avoit faict, et ayant coneu toutes ses œuvres, elle fit ouyr qu'elle disoit que si Rambaud la fut allé veoir et visiter, elle luy eust faict plaisir et accompli son désir. Le Monge des Islesd'Or dict que ce ne fut point la comtesse d'Orgueilh, ainsla comtesse de Mont Rozier.