P. 77] DE PEYRE VIDAL

Peyre Vidal fut fils d'un pellissier de Thoulôuse, qui chantoit mieux que homme du monde, comme aussi faisoit le fils, car il fut bon et souverain musicien. Tout ce qu'il voyoit, et luy plaisoit, croyoit qu'estoit sien; fut bon poëte en langue provensale, et le plus prompt à trouver et composer qu'on eust veu de long temps, estoit un grand vanteur, chant oit de grandes follies d'amours, et des armes, mesdisoit d'un chacun. Un chevalier de Sainct Gilles lui couppa la langue, pour avoir mesdit d'une dame d'honneur, sa parante. De crainte qu'il eust d'en recevoir davantage, se retira vers le prince Hugues des Baulx, avec lequel il demeura quelque peu de temps, et le feist bien et soigneusement gouverner. Quand il fust guéri, ayant pris congé de luy, se retira à Reynez, prince de Marseille, amateur des poètes provensaux, qui le mena oultre mer en l'an 1227, où il devint amoureux d'une Grecque bel- [P. 98]-le femme qu'il espousa,et lui faisoit on acroire qu'elle estoit nièce de l'empereur de Constantinople, par le moyen de laquelle l'empire d'Orient luy appartenoit. Ayant donc creu tout cela, tout l'or et l'argent qu'il gagnoit de sa poésie, l'employa à la construction des navires pour aller à la conqueste de son vain empire, et des lors changeâmes armoiries impériales de gulles à un trident d'or, se faisant nommer Empereur et sa femme Imperatrix. Estoit amoureux de toutes les dames qu'il voyoit, les prioit toutes d'amour, et à toutes presentoit son service, avoit telle opinion de soy qu'il n'avoit pas honte leur commander et si croyoit que toutes mouroyent de

1 Sic. Lis. chargea.

désir de l'avoir en amy, et qu'il estoit le meilleur chevalier du monde et le mieux aimé des dames. Quand il fut vieux, considérant les maux qui procedoyent de trop parler, rédigea par escript un traicté intitulé La manyera de retirar sa /e??#?/a. Entre autres chansons par luyfaictes(ainsi que Sainct Cezari l'a escript), il se vante que la neige, ne la pluye, ne le temps obscur, ne l'empeschent point d'exécuter ses hautes et glorieuses emprinses ; il s'accompare à Gauvain, que tout ce qu'il prend et atteinct il romp et brise, et n'estoit qu'il luy faut aller à la con-[P. 99]-queste de son empire, il feroit trembler tout le monde. Quelcun a escrit Las vantarias de Peyre Vidal. Le Monge de Montmajour dict ainsi de luy : Peyre Vidal estoit un vilain pellissier, qui n'a point ses membres entiers ; mieux luy eut vallu qu'il eust eu la langue d'or, c'est-à-dire qu'il eust parlé sagement, car on ne la luy eust pas si facilement couppée, et que la folye et la gloire luyostoyentl'entendement, et qu'il avoit eu toujours grande indigence de l'herbe d'Anticire, pour luy purger le cerveau travaillé d'humeur mellancolique. Trespassa à la poursuicte de son empire deux ans après son voyage, que fut en l'an 1229. Pétrarque a parlé de ce poëte en son Triomphe d'Amour.

[F0 9 i">] LA VIE DE PEYRE VIDAL. Fol. 94

Pierre Vidal fut de Thoulouse, fils d'ung pelletier qui chantoit myeulx qu'home du monde. Il n'estoit guières de bon sens, car il croyoit que tout ce qu'il veoyoit et luy plaisoit fut sien. Il trouvoit et composoit plus promptement en langue provensale que poëte qu'on aye jamais veu. Il sevantoit d'estre riche et puissant, et si n'avoit rien que sa poésie. Il chantoit de grandes folyes d'armes et d'amour, et estoit mesdisant d'autruy. Ung chevalier de Sainct Gilles lui tailha la langue, parce qu'il se faisoit ouyr qu'il estoit amoureux1 de sa femme. Mays il se mist au service de Hugues de Baulx qui le mena oultre mer, et là fut amoureux d'une grecque qu'il espousa, et fut si fol qu'on luyfeit croyre qu'elle estoit niepce de l'empereur de Constantinople, par le moyen de laquelle l'empire luy appartenoit par rayson. Ayant creu ceci, il employa tout ce qu'il gaignoit à la poésie à la

1 En marge, avec renvoi: druts.

construction de navyres, croyant par cela aller conquérir l'empire, et depuis lors il chargea armoyries impériales et se faisoit nommer empereur et sa femme impératrice.

11 aymoit toutes les belles dames qu'il voyoit et les prioyt toutes d'amour, et à toutes presentoit son service, et tant estoit fol et effronté qu'il n'avoit honte presque de les commander. 11 avoit telle opinion en soy qu'il se layssoit croire d'avoir crédit envers toutes et que toutes mouroient du désir qu'elles avoient de luy. Il tenoit un grand train. Il croyoyt aussi estre des meilleurs chevaliers du monde et le plus aymé des dames. En une chanson qu'il a faicte entre autres, il se vante que ne la neige, ne la gelée, ne la pluye, ne le temps obscur ne le gardent d'exécuter ses haultes emprinses. Il se compare à Gaulvain, que tout ce qu'il pren et atainctil rompt et brise, et si n'estoit qu'il luy fault aller conquester son empire, il feroit trembler tout le monde.

[P. 100] DE GUY D'UZEZ, D'EBLES ET PEYBE,

FRERE d'hELIAS, LEUR COUSIN1

Guyd'Uzez estoit seul sieur du dictlieu; bien qu'il fust héritier de son père et ses frères legateres, toutes fois leur revenu estoitsi petit qu'il[s] ne s'y pouvoi[en]t entretenir. Ebles, l'ung de ses frères, qu'estoit homme astucieux, remonstra à Guy et à Pierre, ses frères, le peu de revenu qu'ils avoyent, qui n'estoit bastant pour leur entretenement, et qu'attendu leur qualité et savoir en la poésie, qu'il valoit myeux suyvre la cour des princes pour parvenir, que de s'arrester en leur mayson ocieusement et mourir de faim. L'advis de Ebles fut trouvé fort bon par ses frères, le tout communiqué à Hellyas leur cousin, qu'estoit pauvre gentil-homme et bon comique, le prièrent aller avecques eux, ce qu'il ne refusa point. Avant que partir, arrestèrent que les chansons que Guy inventeroit et les syrventez que Ebles trouveroit seroyent déchantez par Pierre, qu'estoit fort bon musicien, et qu'ils ne se departi-

i Sic. Lis. De Guy et Peyre, frères, et d'Helias, leur cousin.

royent ja-[P. 101]-mais l'un de l'autre, que Guy garderoit l'argent etle communiqueroit esgallement entr'eux.Ceste convenance faicte s'adressèrent au vicomte d'Albuzon, nommé Reynaud, et à Margueritte, sa femme, qui prenoyent un singulier plaisir à la poésie provensale, où furent receus fort humainement et là feirent ample preuve de leurs inventions et poésie, et y avoir demeuré longtemps receurent de beaux presens des vicomte et vicomtesse, et ainsi tous bien montez et bien en ordre allèrent visiter la comtesse de Montferrat, à la louange de laquelle furent dictes et chantées de fort belles et doctes chansons, de tensons et de syrventes, contenants en substance La vida dels tyrans. Et pour ce que aux syrventes le Pape de Rome et les grands princes et seigneurs y estoyent taxez, et leurs vices déclarés, le légat du Pape les feist promettre et jurer que jamais ils ne feroyent chansons contre luy, ne contre les autres princes ; que fut la cause que ces quatre poètes tant souverains (plustot diray-je prophètes) ne trouvèrent ne chantèrent oncques depuis, à tout le moins qu'ils meyssent leurs oeuvres en evidance, et se retirèrent en leurs maysons riches et plains de biens, par le moyen de leur poésie. Fleurissoyent du temps [P. 102] de Remond Berenguier, dernier du nom, comte de Provence. Jaume Motte, gentilhomme d'Arles, qu'estoit de ce temps un souverain poète provensal, escrivant contre les princes tyrans sans aucune crainte, se moqua d'eux en une chanson qu'il feist de la folle promesse qu'ils avoyent faicte au légat : toutes foys le Monge des Isles d'Or et Sainct Cezari dyent que nonobstant ceste promesse ils ne faisoyent qu'escrire contre la tyrannie des princes. Ce Jaume Motte d'Arles, ainsi que l'aescript le Monge en la vie de ces quatre poètes, a faict une description des mauzollees, pyramides, obélisques et autres anciens monuments qui se trouvent en Provence.

[Fo 6 ro] LA VIE DE GUY D'UYZEL OU D'UZES Fol. 66.

Guy d'Uyzel fut de Lymosin, gentil chastellain . Entre luy et ses frères et ses cousins et Elias estoient seigneurs d'Uyssel, qu'est un

fort riche chasteau. L'ung de ses frères se nommoit Ebles et l'autre Pierre, et son cousin se nommoit Elias et tous quatre estoient bons trouveurs etpoëtes et trouvoient de bonnes chansons. Guy trouvoit de bonnes chansons et Elias de bonnes tensons et Ebles les mauvayses tensons ; Pierre dechantoit tout ce que les troys trouvoyent et composoyent. Guy estoit chanoyne de Bruile de Montferrat, et eut intelligence un long temps avec Marguerite d'Albuzon, femme de Reynaud, vicomte d'Albuzon, et avec la comtesse de Montferrat, pour laquelle feit maintes bonnes chansons. Mays le Légat du pape luyfeit jurer et promettre que jamais ne feroit chanson, que fut la cause que pour luv il laissa et son trouver et son chanter.

[P. 103] DE REMOND BERENGUIER